1 Thessalonians 4:13 - Sa Ugud Apudyus

¹³ Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.

1 Thessalonians 4:13 ပူးပေါင်းရင်းမြစ်များ

Matthew 27:52

Da libon os nabuḵtanda. Pun ummuli da nanḵaḵatoy we tagun Apudyus.

John 11:24

Ḵanan Martha, “Igammuḵe umuli'tte umuliyan da natoy si anungus ni aḻgaw.”

Acts 13:36

Te aḵ Ari David, inabusna ḵad ḵingwa da pinion Apudyus si matattaguwana, natoy. Illibonda si nilibonan da danaḵḵoḻna woḵ naḻpos long-agna.

Acts 7:60

Pun nanalluḵu woḵ ḵananae nangiyipḵaw, “Apu, adim oḵyan ipabasuḻ ḵan dida annae ḵingwada ḵan saḵon.” Ginangputna ḵad imbaga sana, natoy.

Acts 8:2

Inggaw da udume naapudyusane tagu we ummoy nangilibon ḵan Stephen woḵ amod pagay ibildae nangidomdom ḵan siya.

Romans 1:13

Susunudḵu ḵan Kristu, pioḵe igammuwonyu nangampigae planuḵe umali ḵan diḵayu yaḵon awad de pasig anupod ḵan saḵon. Pioḵe ilan diḵayu ta awad os da awisoḵe amati ye isun da udume Gentil we inawisḵu'tta udume ili.

1 Corinthians 10:1

Susunudḵu ḵan Kristu, pioḵe paiḵagasmoḵ ḵan diḵayu naḵwa'tta danaḵḵoḻ taḵu'tte awe atte nangipuyutan Moses ḵan dida si nanenanda'd Egypt. Sa sadi ye timpu, inalidungan Apudyus dida losan si libuu we nangipuyut ḵan dida woḵ nanaddaḻanda si Dilaage Baybay.

1 Corinthians 12:1

Sinsadi susunudḵu ḵan Kristu, pioḵe ipaḵaawat ḵan diḵayu mipanggob atta ḵabooḻane itton ni Ispiritu Santu ḵan ditaḵu ta igammuwonyu oḵyan.

1 Corinthians 15:6

Pun nampaila bos atta lummabos aḵ limanggasute susunud taḵu ḵan Kristu atte namingsan. Sillaḻabi ḵad atte nagangput nampaila ḵan dida, nanḵaḵatoy da udum ḵan dida yaḵon ḵaaduwan ḵan dida da sissiyae matattagu.

2 Corinthians 1:8

Susunudḵu ḵan Kristu, pionni ye ipaigammu ḵan diḵayu da amode nampaḵaḻamane pinadasni'tte probinsiya'd Asia. Amod de nampaḵaḻamane nilaḵ-amni sidi ye adiḵanipun ogon maḵaanus inggana'ḵ ippun ogon namnamani'ḵ mabiyag.

Ephesians 2:12

Sosomḵonyu we sa awe, nisisina ḵayu ḵan Kristu. Nanaḻsin ḵayu'tta ganaḵ Israel we pinilin Apudyus aḵ taguna. Adiḵayupun os nidoga si intuḻag Apudyus we inkarina'tta tagunae awad de umali ye anagu ḵan dida ya diḵayu we tagu we adipun amati ippun namnamayu ḵan ippun Apudyusyu.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

1 Thessalonians 4:14

Te nu amati taḵu we natoy aḵ Jesus woḵ ummuli, amati taḵu bose ibuḻun Apudyus ḵan Jesus da namati ye natoy.

1 Thessalonians 4:15

Te annaya tuttudun Apu we ipaigammuni ḵan diḵayu. Sa timpu we umaliyan Apu, ditaḵu we matattagu we natenan inggana si umaliyana, daḵampun aḵ umuna taḵu nu da natoy miyabot ḵan Apu.

1 Thessalonians 5:10

we siya natoy para ḵan ditaḵu ta taḵon ay nu natoy taḵu baḵon nu matattagu taḵu si umaliyana, midoga taḵu matagu ḵan siya'ḵ inggana.

1 Thessalonians 5:6

Pun adi taḵu oḵyan masusuyope isun da udum. Yaḵon pasig taḵu oḵyan madadaḵḵag ḵan an-annad.

2 Peter 3:4

“Adimpun ḵamman Jesus inkari ye mipauli? Dimman ay nu? Naabus nanḵaḵatoy da ummun-unae namati ye danaḵḵoḻ taḵu ya daampun ay umali. Inggan ni nangwaana si lubung inggana sinsadi, sissiyae naippun nambaliwana.”

2 Peter 3:8

Yaḵon annaya ḵasapuḻane adiyu maliwatan, ay-ayatoḵe buḻbuḻun. Sa ḵasomsomḵan Apudyus atte ḵaandun ni sin-aḻgawe abus, isuna sillibu we tawon ya sa sillibu we tawon isuna sin-aḻgaw.