1 Thessalonians 4:11 - Sa Ugud Apudyus

¹¹ Iggayu ḵabooḻanyu we angipaila si allin-awae antatagu, abus ḵuwayu'ḵ ambiyanganyu ya iḵewaaḻyu da masapuḻyu we isun ni imbilinni ḵan diḵayu.

1 Thessalonians 4:11 ပူးပေါင်းရင်းမြစ်များ

Mark 13:34

Mipaniyaḵ atte ansagsaganae umoy si adayu we ili. Ipaayyuwanna boḻoyna'tta sammiluna, ḵad ittona biyang ni sin-ossaossa'tta ustu we ḵewaaḻda. Ḵad bilinona angguwaḻda ta adi masuyop.

Acts 18:3

ḵad gapu ta an-isu ḵewaaḻdae anḵoḵopya'ḵ tulda, inninggaw ḵan dida naḵaḵewaaḻ.

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Romans 12:11

Adi ḵayu andadauy yaḵon pumangog ḵayu we anserbi ḵan Apu Jesu Kristu.

Romans 15:20

Te siya panggobḵu iyyaḵ iwaḻagawag Ambaḻu we Damag atta ḵinailin di ili ye daampun andongoḻ si mipanggob ḵan Kristu ta adiyaḵ antaḵad si labaw ni insaad da udume tagu.

1 Corinthians 4:12

Pumangopangog ḵani bose angilabbu'tta masapuḻni. Nu awad an-aḻawag ḵan diḵani, iluwaḻuwanni ta mabindisyunanda, ḵad nu ampaḵaḻamonda diḵani, attomanni.

2 Corinthians 5:9

Pun taḵon ay nu inggaw taḵu'd luta baḵon nu ad langit, igga taḵu ḵabooḻan taḵu we angwa'tta mas-oman Apudyus.

Ephesians 4:28

Nu awad aḵḵawan ḵan diḵayu, iginoḵna oḵyan yaḵon ipapuutnae anḵewaaḻ aḵ iḵataguna ta awad ibadangna'tta anḵasapuḻ.

1 Timothy 2:2

Iluwaḻuwan taḵu bos da ari ya da losane nangatu da saadda ta allin-awa biyag taḵu si anserbiyan taḵu ḵan Apudyus ya sa angunudan taḵu si ustu we ugali.

1 Timothy 5:13

Annaya bos da udume gapunae adiyu dida idoga si listaan, paingsaondae baduuḻ ya nansayasayapda an-attuattun atta boḻoy. Ḵad isaḻaddae alliḵud ya anḵapuḵaput atta ippun biyangda ya ugudonda banage adipun oḵyan maugud.

Titus 3:14

Ilam os ta paingsaonda da doga taḵu'tte pammati ye angwa'tta ambaḻu ta badanganda da tuttuwae anḵasapuḻ ta ambaḻu ambanagan da biyagda.

1 Peter 3:4

yaḵon mibatay oḵyan si awad atte somsomoḵyu we adipun maila ya adipun ḵumupas. Te sa ḵinabaḻu we ampatopatog atte antotollong Apudyus, siya ḵinaanggom ḵan allin-awae somsomoḵ.

1 Peter 4:15

Yaḵon nu ampaḵaḻam ḵayu, daḵampun oḵyan aḵ gapu si pummatoyanyu, nan-aḵawanyu, nangwaanyu si lawweng baḵon nu maḵabiyanganyu'tte ḵoon da buḻunyu.