1 Thessalonians 3:3 - Sa Ugud Apudyus

³ ta adi ḵayu madismaya gapu'tta ampaḵaḻamanyu. Inigammuyu we niḵoddonge ampaḵaḻam taḵu.

1 Thessalonians 3:3 ပူးပေါင်းရင်းမြစ်များ

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Acts 2:25

Annaya nituttuwaan ni impadtun Ari David mipanggob ḵan Jesus we ḵanana, “ ‘Innilaḵe pasig anna'ḵ Apu si sinagungḵu te anna si madawinanḵu ta adiyaḵ maḵimut.

Acts 21:11

Ummali ḵan diḵani woḵ innaḻana taḵyad Paul aḵ nanaḵodna'tta imana ḵan suḵina. Pun ḵanana, “Annaya imbagan ni Ispiritu Santu, ‘Ḵaḵna inon da Judyu'd Jerusalem we amaḻud atte sinḵuwa si annae taḵyad ya impuḻangda'tta Gentil.’ ”

Acts 21:13

Pun summongbat aḵ Paul woḵ ḵanana, “Ngaipa ḵayu sin-iibil ya paḻawengonyu somsomoḵḵu? Te naḵasaganaaḵe mibaḻud ya taḵon ay nu matoyaḵ ad Jerusalem mipagapu ḵan Apu Jesus.”

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

Romans 5:3

Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

1 Corinthians 4:9

Te sa somsomoḵḵu, nambalinon diḵani ḵan Apudyus aḵ apostol we ḵababaan atta losane isun da naḵoddongan aḵ matoy si sinagung da ḵaaduwane tagu. Te impailana diḵani'tta tagu si annae lubung ta buyaon da tagu ya da anghel.

Ephesians 3:13

Gapu'tte sadi, adi ḵayu madismaya si ampaḵaḻamaḵ gapu ḵan diḵayu te sanat dayawyu.

Philippians 1:28

ya adi ḵayu maḵimut atta ngaimane sumullagi ḵan diḵayu. Te sa tuḻodyu, sanat sinyale angipail-an Apudyus ḵan didae madusada'ḵ inggana. Ḵad sadi angigammuwandae taguwon diḵayu gapu ḵan Apudyus.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

1 Thessalonians 5:9

Te adimpun ditaḵu pinili ḵan Apudyus aḵ midoga si umamdane sangana. Yaḵon pinilina ditaḵu'ḵ matagu mipagapu ḵan Jesu Kristu we Apu taḵu,

2 Thessalonians 1:4

Pun nu inḵani bisitaon da gimung da namati ḵan Apudyus atta ḵinailin di ili, isḵaḻni diḵayu'tte ḵinaanusyu ya sa angipapuutanyu we amati taḵon ay nu amod da ampaḵaḻamanyu gapu'tta pammatiyu.

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

1 Peter 2:21

Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.