1 Thessalonians 3:2 - Sa Ugud Apudyus

² Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

1 Thessalonians 3:2 ပူးပေါင်းရင်းမြစ်များ

Acts 16:1

Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Acts 16:5

Pun pummigsa pammatin da namati atta gimung ḵad inaḻgawe madog-adog-anda.

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Romans 16:21

Aḵ Timothy ye buḻunḵu we nanḵewaaḻ, pakumustaona diḵayu, isuna bos atta dogaḵe Judyu we da Lucius ḵan Jason ya aḵ Sosipater.

1 Corinthians 3:10

Gapu si ḵinabaḻun Apudyus we impailana ḵan saḵon, isuḵ nalainge antaḵad aḵ boḻoy, ummaḵ ginagaaman nangisaadaḵ ḵad da udume tagu asi amagatup si sadi ye insaḻadḵu. Yaḵon awad osa ḵasapuḻane laḻamana inonae antaḵad.

1 Corinthians 4:17

Sadi gapunae imbuunku'ḵ Timothy sinat, we ibelangku'ḵ abengḵu we ay-ayatoḵ ḵan mataḻgodane abeng ḵan Apu taḵu. Umali ta ipaspasmoḵna ḵan diḵayu inoḵe nangunud atte ugalin Kristu we intuttuduḵ atta losane namati ye magimugimung atta ḵinailin di ili.

2 Corinthians 1:1

Susunudḵu ḵan Kristu, saḵon aḵ Paul we apostol Jesu Kristu we nibatay si pinion Apudyus ya sa buḻunḵu sina aḵ Timothy ye sunud taḵu ḵan Kristu. Ḵad annaya suḻatḵu ḵan diḵayu'tta magimugimunge namati ḵan Apudyus ad Corinth ya da losane tagun Apudyus atte intero we probinsiya'd Achaia.

2 Corinthians 1:19

Te aḵ Jesu Kristu we Abeng Apudyus we iwwaḻagawagni ḵan da Silas ya aḵ Timothy ḵan diḵayu, adinapun baliwan ibagana nu adi pasige ituttuwana.

2 Corinthians 2:12

Dummatongaḵ ḵad ad Troas we umoy angiwaḻagawag si Ambaḻu we Damag mipanggob ḵan Kristu, innatod Apu gundawayḵu we angiwaḻagawag sidi.

2 Corinthians 2:13

Yaḵon taḵon ay nu ḵatti ye naatod gundaway ḵan saḵon, amod de binsawḵu te naippun indasaḵ ḵan sunud taḵu we Titus sidi. Pun siya nampaḵadaaḵ atta susunud taḵu ḵan Kristu woḵ iyyaḵ ad Macedonia.

2 Corinthians 8:23

Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu.

Philippians 1:25

Naippun duwaduwaḵ atte mipanggob si anna, pun igammuḵe adiyaḵpun matoye sana yaḵon inggawaḵ yan sina ta bumadangaḵ ḵan diḵayu ta pumigsa pammatiyu ḵan allaylayad ḵayu gapu'tte pammati.

Colossians 1:1

Saḵon aḵ Paul we apostol Jesu Kristu mipagapu si pinion Apudyus ya buḻunku'ḵ Timothy ye sunud taḵu ḵan Kristu.

Colossians 1:7

Inadaḻyu anna ḵan Epaphras we ay-ayatonni ye buḻun ya mataḻgodane anserbi ḵan Kristu we angiyugud ḵan diḵani sinat,

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

Colossians 4:9

Maḵaoy aḵ Onesimus ḵan siya, sa ay-ayaton ya mataḻgodane sunud taḵu ḵan Kristu we osa ḵan diḵayu. Sana da duwae umoy angibaga ḵan diḵayu'tta losane maḵmaḵwa sina.

1 Thessalonians 3:13

Papigsaon oḵyan Apu Jesus da somsomoḵyu ta naippun angkuranganyu ya bumaḻu da ugaliyu si antotollong Apudyus we Ama taḵu si umaliyan Jesus we Apu taḵu we midoga da losane taguna.

1 Thessalonians 3:5

Gapu'tte adiyaḵpun ogon maḵaanus si ayuḵ, imbuunku'ḵ Timothy te pioḵ igammuwon nu ngai inon ni pammatiyu. Nambinsawaḵ te maagyu ḵad ay tinuttuwa da subsub da susubsub, ippun ay anun ni ayongni'tte ḵewaaḻ para ḵan diḵayu.

2 Thessalonians 2:17

dida oḵyan patilayune alliwliwa'tta somsomoḵyu ya badanganda diḵayu ta pasige ambaḻu da ḵoonyu ḵan ibagayu.