1 Thessalonians 3:11 - Sa Ugud Apudyus

¹¹ Itaang oḵyan pos Apudyus we Ama taḵu ya aḵ Jesus we Apu taḵu daḻanni ta maḵaali ḵani ḵasin ḵan diḵayu.

1 Thessalonians 3:11 ပူးပေါင်းရင်းမြစ်များ

Matthew 6:14

Pun ḵanan Jesus, “Nu pakawanonyu da naḵabasuḻ ḵan diḵayu, pakawanon os diḵayu ḵan Amayu'd langit.

Matthew 6:18

ta ippun angigammu we allaun ḵayu, abus aḵ Amayu we adipun maila. Te siyae angitotollong si milammonge ḵoonyu, gungunaana diḵayu.”

Matthew 6:26

Ilanyu ḵad da sissiwite antattayap: Adidapun ammuḻa baḵon nu an-ani ḵan amompon aḵ maḵan atta aḻang yaḵon paḵanan Amayu'd langit dida. Maguḻa ḵayu mane napatpatog nu da sissiwit!

Matthew 6:32

Te ḵaḵnat singsington da losane tagu we adipun angigammu ḵan Apudyus. Yaḵon ḵan diḵayu, iniiggammun Amayu'd langit da ḵasapuḻanyu.

Matthew 6:6

Yaḵon nu alluwaḻu ḵayu, lumnoḵ ḵayu si kuwartuyu ya iyyonobyu sawang ḵad alluwaḻu ḵayu ḵan Ama we adipun maila. Ḵad ḵan siyae angitotollong si milammonge ḵoonyu, gungunaana diḵayu.

Mark 1:3

Sa bumbummaaw, awad de angiwaḻagawage ḵanana, ‘Saganaonyu oḵyan daḻan atte umaliyan Apu ya pagodongonyu daḻane ayona.’ ”

Luke 12:30

Te ḵaḵnat singsington da losane tagu we adipun angigammu ḵan Apudyus. Yaḵon ḵan diḵayu, iniiggammun Apudyus we Amayu da ḵasapuḻanyu.

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”

2 Corinthians 6:18

Te nu ḵoonyu ḵatti, mibelangaḵe amayu ya diḵayu da abengḵu. Sana ḵanan Apu we maḵabooḻ.”

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Colossians 1:2

Annaya suḻatni ḵan diḵayu we tagun Apudyus ya mataḻgodane susunudni ḵan Kristu ad Colossae. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu.

1 Thessalonians 3:13

Papigsaon oḵyan Apu Jesus da somsomoḵyu ta naippun angkuranganyu ya bumaḻu da ugaliyu si antotollong Apudyus we Ama taḵu si umaliyan Jesus we Apu taḵu we midoga da losane taguna.

1 Thessalonians 4:16

Te aḵ Apu Jesus we mismu, dumoḻae maḻpu'd langite iyipḵawna bilin ḵad midisan poḵaw ni ḵangatuwane anghel ya guminga tangguyub Apudyus. Ḵad umuna umuli da natoye namati ḵan Kristu.

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

2 Thessalonians 3:16

Oḵyan pos ta aḵ Apu we puun ni lin-awa taḵu, patilayun ose angitod si sanae lin-awa ḵan diḵayu taḵon ay ngai maḵwa. Ḵad pasig oḵyan ose iinggaw ḵan diḵayu losan.

2 Thessalonians 3:5

Oḵyan nu idaḻan Apu da somsomoḵyu'tte ayat Apudyus ya sa ḵinaanus Kristu.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

Revelation 21:3

Pun inggaw andangsoḻe gingae dingngoḻḵu we naḻpu'tte trono we ḵanana, “Andiya miḵamboḻoyan Apudyus atta tagu ḵad bigbigonae taguna dida ya bigbigon os da tagu we anna ḵan dida Apudyusda.