1 Thessalonians 2:9 - Sa Ugud Apudyus

⁹ Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

1 Thessalonians 2:9 ပူးပေါင်းရင်းမြစ်များ

Luke 18:7

Adimpun ḵamman Apudyus itton ḵalintogan da pinilinae tagu we anḵodaw aḵ ḵadagu ḵan siya si inaḻgaw ya nilabi? Itaḻyanna ḵamman badangna?

Luke 2:37

Sissiyae baḻu inggana'ḵ nantawon aḵ waḻumpuḻu ya opat. Patilayun umoy si paway ni templo ta andayaw ḵan alluwaḻu ḵan Apudyus atte inaḻgaw ḵan nilabi. Patilayune allaun ta alluwaḻu.

Acts 18:3

ḵad gapu ta an-isu ḵewaaḻdae anḵoḵopya'ḵ tulda, inninggaw ḵan dida naḵaḵewaaḻ.

Acts 20:24

Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Acts 20:31

Pun dadaḵḵagonyu ya sosomḵonyu we sa tuḻun tawone inninggawaḵ ḵan diḵayu, adiḵpun ingginoḵe nangiwaḻagawag ḵan diḵayu si inaḻgaw ḵan nilabi ye maaḻuboy luwaḵ si ayatḵu ḵan ḵadaguḵ ḵan diḵayu.

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

1 Corinthians 4:12

Pumangopangog ḵani bose angilabbu'tta masapuḻni. Nu awad an-aḻawag ḵan diḵani, iluwaḻuwanni ta mabindisyunanda, ḵad nu ampaḵaḻamonda diḵani, attomanni.

1 Corinthians 9:15

Yaḵon taḵon ay nu ḵatti, adiḵpun inusar sadi ye ḵaḻabbongaḵ ya adiḵpun igili anna ta angitod ḵayu'ḵ iḵataguḵ. Te nabaḻbaḻu matoyaḵ nu sa maḵaan ḵaḻabbongaḵe angiwaḻagawage siya isḵaḻḵu.

1 Corinthians 9:18

Pun nu ḵatti, ngai gungunaḵ nu? Annayae abus: Naippun udum nu adi sa layadḵu we angiwaḻagawag si Ambaḻu we Damag we ippun tangdanḵu taḵon ay awad de ḵaḻabbongaḵe pataḻ-un ḵan dida.

1 Corinthians 9:4

Ippun ḵamman ḵaḻabbonganni ye mapaḵanan ḵan mapainuman gapu'tte annae ḵewaaḻni?

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

2 Corinthians 11:9

Sa inninggawaḵ ḵan diḵayu, adiyaḵpun nanḵodaw ḵan diḵayu si awad de ḵasapuḻaḵ te da susunud ḵan Kristu we naḻpu'd Macedonia da nangitod atta masapuḻḵu. Ḵad ḵatti bos ḵooḵ si umali ye aḻgawe adiḵpun paat ampaḵaḻamon diḵayu'tta masapuḻḵu.

2 Corinthians 6:5

Annaya da udume ampaḵaḻamane nilaḵ-amni. Nangampigae naap-aplit ḵani, nibaḻud ḵani, ginulugulun diḵani, maayoayong ḵani'tta ḵoonni, mapuyapuyatan ḵani ḵan mauḻauḻat ḵani.

Philippians 4:16

Taḵon ay inninggawaḵ ad Thessalonica, namigwae indagasyu da ḵasapuḻaḵ.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 2:2

Te inigammuyu we taḵon ay nu nampaḵaḻamon ya inang-angyagda diḵani sidi'd Philippi si daanni ayan sinat ad Thessalonica, innatod Apudyus tuḻodni ye nangiwaḻagawag ḵan diḵayu si Ambaḻu we Damag we naḻpu ḵan siya taḵon ay adu da summullagi ḵan diḵani.

1 Thessalonians 2:6

Ḵad daḵampun aḵ singtonni dayawe maḻpu'tta tagu, diḵayu baḵon nu da udum taḵon ay nu ḵaḻabbonganni oḵyane ḵodawonni dayaw baḵon nu da masapuḻni ḵan diḵayu te diḵani da apostol Kristu.

1 Thessalonians 3:10

Inaḻgaw ya nilabi ye ipapangogni ḵodawon ḵan Apudyus we an-asiila taḵu ta dog-anni da angkuranganyu'tte pammati.

1 Timothy 1:11

Sa ḵatuttuwaane intuttuduḵ, mibatay si Ambaḻu we Damag we intaḻgod ni ḵangatuwan ḵan madaydayawe Apudyus ḵan saḵon.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

1 Timothy 5:5

Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.

2 Timothy 1:3

Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.