1 Thessalonians 2:18 - Sa Ugud Apudyus

¹⁸ Pionni pagay ilan diḵayu. Pun nangampigae pinadasḵu umali yaḵon tinupod Satan umaliyanni sinat.

1 Thessalonians 2:18 ပူးပေါင်းရင်းမြစ်များ

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

Romans 1:13

Susunudḵu ḵan Kristu, pioḵe igammuwonyu nangampigae planuḵe umali ḵan diḵayu yaḵon awad de pasig anupod ḵan saḵon. Pioḵe ilan diḵayu ta awad os da awisoḵe amati ye isun da udume Gentil we inawisḵu'tta udume ili.

Romans 15:22

Sana gapun ni dam-oḵ nataḵtaḵane umali ḵan diḵayu sinat.

1 Corinthians 16:21

Saḵon aḵ Paul we nangigili'tte annae gangput ni suḻatḵu, “Kumusta ḵayu.”

Philippians 4:16

Taḵon ay inninggawaḵ ad Thessalonica, namigwae indagasyu da ḵasapuḻaḵ.

Colossians 4:18

Saḵon aḵ Paul we nangigili ye mismu si annae anungus ni annae suḻat. Kumusta ḵayu ya adiyu ḵappos saḵon maliwatane annaaḵ si babaḻḻudan. Awad oḵyan ḵan diḵayu ḵinabaḻu we maḻpu ḵan Apudyus.

2 Thessalonians 3:17

Saḵon aḵ Paul we nangigili'tte anungus ni annae suḻate impaigiliḵ. Ḵingwaḵ atta losane suḻatḵu ta maigammu we tuttuwae naḻpu ḵan saḵon te lamogyu imatunan sinyal ḵan inoḵe anggili.

Philemon 1:9

Yaḵon gapu'tte ayat, andagdaguwaḵ ḵan siḵa. Ḵooḵ anna, taḵon ay nu saḵon aḵ Paul we maḻmaḻong-ag ḵan nibabaḻud os sinsana gapu ḵan Jesu Kristu.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.