1 Thessalonians 2:17 - Sa Ugud Apudyus

¹⁷ Yaḵon sa sin-aḵitane nisinaanni ḵan diḵayu susunudḵu ḵan Kristu, amod de ayuni ya pasigni sosomḵon diḵayu. Pun pinadasni ḵabooḻanni ye mipauli ta an-asiila taḵu ḵasin.

1 Thessalonians 2:17 ပူးပေါင်းရင်းမြစ်များ

Luke 12:58

Nu awad angidaḻum ḵan siḵa, daguse maḵaaligluḵa ḵan siya si daanyu miduuman si korti. Te nu adim ḵoon, ipuḻangna siḵa'tte ḵuwis ḵad indalisna bos siḵa'tta guwaḻda ya mibaḻudḵa.

Luke 22:15

Ḵanana ḵan dida, “Pioḵe midoga ḵan diḵayu we angan si annae Gayagayae ngannon taḵu Nallausan, asiyaḵot ampaḵaḻam.

Acts 17:10

Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu.

Romans 1:13

Susunudḵu ḵan Kristu, pioḵe igammuwonyu nangampigae planuḵe umali ḵan diḵayu yaḵon awad de pasig anupod ḵan saḵon. Pioḵe ilan diḵayu ta awad os da awisoḵe amati ye isun da udume Gentil we inawisḵu'tta udume ili.

Romans 15:23

Yaḵon sinsana, gapu ta inabusḵu ḵewaaḻḵu'tta annae ili ya pigan tawone pioḵ umali ḵan diḵayu,

1 Corinthians 5:3

Te taḵon ay nu ippunaḵ sinat, awad de ispirituḵ ḵad isun di awadaḵ sinat, ḵinoddongaḵ sanate tagu we nangwa si ḵaḵnate lawweng. Nu magimung ḵayu, anna bos ispirituḵ ḵan diḵayu, ḵad sa ḵabooḻan Apu taḵu we Jesus awad os ḵan diḵayu.

Colossians 2:5

Taḵon ay nu naippunaḵ ḵan diḵayu sinat, sosomḵoḵ diḵayu ya amod de layadḵu si dingngoḻḵu we nauḻnus ḵayu ya ampigsa da pammatiyu ḵan Kristu.

1 Thessalonians 3:6

Yaḵon sinsadi, nipauli'ḵ Timothy ye imbagana ambaḻu we damag mipanggob si ḵinapigsan da pammati ḵan ayatyu. Imbagana bose diḵani pasigyu ayuayuwane isun ni ayuni ḵan diḵayu.