1 Thessalonians 2:13 - Sa Ugud Apudyus

¹³ Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

1 Thessalonians 2:13 ပူးပေါင်းရင်းမြစ်များ

Matthew 10:20

Te daḵampun ḵan diḵayu maḻpuwan ni ibagayu nu adi sa Ispiritu Santu.

Matthew 10:40

Ḵanan os Jesus, “Ngaimane ammangili ḵan diḵayu, saḵon minangilina. Ḵad sa ammangili ḵan saḵon, minangilina bos nangibuun ḵan saḵon.

Luke 11:28

Dingngoḻ ḵad Jesus ḵanana, “Amo pian da angogomgom atta dingngoḻdae Ugud Apudyus!”

Luke 5:1

Sin-aḻgawan ḵad, inninggaw aḵ Jesus si taḻantag ni Baybay ad Gennesaret. Naaligummu da amode tagu ḵan siya ta dongngonda ituttudunae Ugud Apudyus.

Luke 8:11

“Annaya pion ni pani ḵanan. Sa buḵoḻ, siya Ugud Apudyus.

Luke 8:21

Yaḵon ḵanan Jesus, “Da mibelang aḵ inaḵ ya sunudḵu, da andongoḻ ḵan anuttuwa si Ugud Apudyus.”

John 15:3

Pummoḻḵas ḵayu te tinuttuwayu ugude imbagaḵ ḵan diḵayu.

John 17:17

Itotoḵḵonnu ḵappos dida mipagapu'tte ugudnu we tuttuwa ta anserbida ḵan siḵa.

John 17:19

Gapu ḵan dida, itotoḵḵonḵu long-agḵu ḵan siḵa ta mitotoḵḵonda bose anserbi ḵan siḵa mipagapu'tte ḵatuttuwaan.

Acts 10:33

Sana gapunae impaayagḵu siḵae dagus, ḵad ambaḻu ta annae ummaliḵa. Pun sinsadi anna ḵani si sinagung Apudyus ta andongoḻ ḵani'tta losane imbilin Apu ḵan siḵae paibagana.”

Acts 13:48

Dingngoḻ ḵad da Gentil imbagan Paul, amod de layadda, pun dinaydayawda Ugud Apudyus. Ḵad da losane dinutuḵan Apudyus we maittan si biyag aḵ inggana, namatida.

Acts 16:14

Osa'tta nandongoḻ ḵan diḵani'ḵ Lydia we iThyatira we allaḵlaḵu'tta nanginginae sinnun ya andaydayaw ḵan Apudyus. Nandodongngoḻ ḵad, sinilawan Apu somsomoḵna woḵ namati.

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

Acts 8:14

Dingngoḻ ḵad da apostol ad Jerusalem we pinatin da iSamaria Ugud Apudyus, imbuunda da Peter ḵan John ḵan dida.

Romans 10:17

Pun adipun maḵwae amati da tagu nu adidapun umunae andongoḻ. Ḵad ḵasapuḻane dongngonda Ambaḻu we Damag mipanggob ḵan Kristu.

2 Corinthians 3:18

Pun losan ḵan ditaḵu we namati, daḵampun aḵ isu taḵu'ḵ Moses we natalingdan bosaḻna yaḵon ipaila taḵu we isun di ladawan dayaw ḵan ḵabooḻan Apu ya patilayune mabaliwan taḵu bumaḻu inggana'ḵ miyisu taḵu ḵan siya. Te aḵ Apu we sa Ispiritu Santu amagatupe amabaru ḵan amabaḻu ḵan ditaḵu.

Galatians 4:14

Ḵad taḵon ay nu nampaḵaḻam ḵayu gapu si anḵuḵuyaaḵ, adiyupun inamsew baḵon nu indiyan saḵon. Yaḵon sa ḵingwayu, minangiliyaḵe isun di anghel Apudyus baḵon nu aḵ Jesu Kristu we mismu.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

Hebrews 4:12

Te sa Ugud Apudyus matattagu te maḵabooḻe awad da ambanaganda. Natadtadom nu sa ispadae nansupang ngaḻabnae lamogna sillauton da um-um ya da utoḵ te sa Ugud Apudyus lonḵona daḻome ḵamangay da tagu taḵon ay da ḵalidodwada ya da ispirituda ḵad lamogna bos usigon somsomoḵ da tagu ya imatunana da migagaḻae somsomoḵ.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

1 Peter 1:23

Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

1 Peter 1:25

yaḵon sa Ugud Apudyus, ippun ambalbaliwana'ḵ inggana.” Sa annae Ugud Apudyus, siya annae Ambaḻu we Damag we niwaḻagawag ḵan diḵayu.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

2 Peter 3:2

Pioḵe iḵagasmoḵyu da impadtun da profeta we nanserbi si awe ya da bilin Apu taḵu ya sa Anagu we impaigammuna ḵan diḵayu mipagapu'tta apostol we nantuttudu ḵan diḵayu.

1 John 3:3

Sa tagu we annamnama'tta sanae banag gapu ḵan Kristu, papoḻḵasonae mismu long-agnae isuna'ḵ Jesus.