1 Thessalonians 2:11 - Sa Ugud Apudyus

¹¹ Te inigammuyu we binadanganni sin-ossaossa ḵan diḵayu we isun ni ambabadang ni ama'tta abengna.

1 Thessalonians 2:11 ပူးပေါင်းရင်းမြစ်များ

Luke 16:28

ta bagbagaana da limae sunudḵu ta adida oḵyan os umali si annae igaw ni ummamdane ampaḵaḻaman.’

Acts 20:2

Ummoyna ginaḵay da namati'tta ḵinailin di ili sidi ta soḻgagona dida woḵ ummoyon ad Achaia we ngannonda Greece.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

1 Thessalonians 2:7

Yaḵon an-anggom ḵani si timpu we inninggawanni ḵan diḵayu we isun ni inae angayyuwan atta abengna.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.

1 Thessalonians 4:6

Ḵasapuḻane ippun oḵyan bumasuḻ ḵan diḵayu baḵon nu angallelaw si sunudna ḵan Kristu mipagapu'tte ḵaḵnae gunay te aaddi ye aḵ Apu bumaḻos atta ngaimane angwa'tte ḵatti. Sana da imbilibilinni ḵan diḵayu.

1 Thessalonians 5:11

Pun an-asisoḻgag ḵayu oḵyan ya an-asipapigsa ḵayu'tte pammati ye isun ni annate ḵoonyu.

1 Thessalonians 5:14

Bilibilinonni bos diḵayu susunudḵu ḵan Kristu ta bagbagaanyu da baduuḻ, soḻgagonyu da allasu we madismaya, badanganyu da anḵuya pammatida ya anusanyu dida losan.

2 Thessalonians 2:5

Adiyupun ḵamman iḵagasmoḵe sa inninggawaḵ ḵan diḵayu, imbagaḵ da sana?

2 Thessalonians 3:12

Gapu si ḵaḻabbonganni ye naḻpu ḵan Apu Jesu Kristu, bagbagaanni da sadi ye tagu ya bilinonni dida ta ipapuutdae anḵewaaḻ ta awad iḵataguda.

1 Timothy 5:21

Bilinoḵ siḵa'tte sinagung Apudyus ya aḵ Jesu Kristu ya da nadutuḵane anghelna ta tuttuwaom da annae ibagaḵ. Ḵad ippun oḵyan piliyam yaḵon an-iisuwom da losane tagu.

1 Timothy 5:7

Ibilinnu da anna'tta namati sinat ta ippun ipabasuḻ da tagu ḵan dida.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

1 Timothy 6:2

Ḵad da musassu we namati da ap-apuda, ḵasapuḻane adida oḵyan ḵanane gapu ta ansusunudda ḵan Kristu, sinnamaḻna nu adidapun patgane ustu. Yaḵon ḵasapuḻane amo anserbida ḵan dida te da angapit ḵad si ḵewaaḻda da namati ya da angay-ayat ḵan dida. Ituttudum ḵan iwaḻagawagnu da anna.

Titus 2:15

Sana da ituttudum atta tagu sinat, dam-om dida bagbagaan ya suppaḵam nu awad lawweng aḵ ḵoonda. Sa angwaam atta sadi, ipailam da losane ḵaḻabbongam ta adida siḵa potogon.

Titus 2:6

Ḵaḵna bos atta bagbagu we laḻaḵi. Bagbagaam dida ta tupudonda da long-agda'tta losane ḵoḵoḵḵonda.

Titus 2:9

Da musassu ḵad os bagbagaam dida ta paipangatda'tta ap-apuda'tta losane ḵoonda ta mat-op da ap-apuda ḵan dida. Adida oḵyan maḵasossongbat ḵan dida,

Hebrews 13:22

Susunudḵu ḵan Kristu, ḵodawoḵ ḵan diḵayu ta anusanyu dongngon da annae bagbagaḵe anoḻgag ḵan diḵayu te abobba annae suḻatḵu.

3 John 1:4

Naippun udum aḵ amo nabaḻbaḻu'ḵ allaylaydaḵ yaḵon sa nangngoḻaḵe da abengḵu unudonda ḵatuttuwaan.