1 Thessalonians 2:10 - Sa Ugud Apudyus

¹⁰ Diḵayu ya aḵ Apudyus os anaḵdoḻ atte ugalini ye ambaḻu, naun-unan ya ippun ḵadellawan ni nantataguni si inninggawanni ḵan diḵayu we namati.

1 Thessalonians 2:10 ပူးပေါင်းရင်းမြစ်များ

Luke 23:41

Yaḵon dita labbongnae madusa te naḵabasuḻta yaḵon sa annae tagu ippun basuḻna.”

Acts 20:18

Dummatongda ḵad, ḵanana ḵan dida, “Iniiggammuyu nantataguḵ si inninggawaḵ ḵan diḵayu inggan ni damu we ummaliyaḵ si probinsiya'd Asia.

Acts 20:26

Pun ibabaggaḵ ḵan diḵayu sinsadi ye aḻgaw, nu maag ay awad osa ḵan diḵayu'ḵ misina ḵan Apudyus ya madusa, daḵampun aḵ basuḻḵu.

Acts 24:16

Pun iggaḵ losane ḵabooḻaḵe angwa'tta ambaḻu ta ampoḻḵas somsomoḵḵu'tte sinagung Apudyus ya da tagu.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 11:11

Ngaipaaḵ adi anḵodaw ḵan diḵayu? Pioḵ ḵamman ipailae adiḵpun diḵayu ay-ayaton? Igammun Apudyus we ay-ayatoḵ diḵayu!

2 Corinthians 11:31

Aḵ Apudyus we Aman Apu Jesus we madaydayaw aḵ inggana, igammunae adiyaḵpun antultulli.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 5:11

Pun gapu ta igammuni ye angisipog ḵan Apu, padasonni awison da tagu ta amatida ḵan siya. Yaḵon iniiggammun Apudyus diḵani ye naippun lawweng aḵ panggobni ya namnamaoḵe isuna bose iniiggammuyu diḵani.

2 Corinthians 7:2

Ipailayu oḵyan ayatyu ḵan diḵani. Ippun ḵingwani'ḵ lawweng atta ngaimane tagu, ippun ossaan aḵ dinadailni ḵan ippun ossaan aḵ kinulukni ya ginundawayanni.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.

1 Thessalonians 2:5

Iniiggammuyu we daḵampun paat aḵ nan-uḻ-uḻnug ḵani ya aḵ Apudyus anaḵdoḻe daḵampun paat aḵ an-ugud ḵani ta awad maganabni.

2 Thessalonians 3:7

Te diḵayu we mismu angiiggammu si inonyu we angunud atta ambaḻu we ugalini si inninggawanni ḵan diḵayu. Te adiḵanipun baduuḻe nanḵewaaḻ.

1 Timothy 4:12

Adim iyunude potogonda siḵa gapu'tte ḵinaabengnu. Yaḵon iggam ḵabooḻame ambalin aḵ unudon da namati'tte an-uugudnu, sa ambaḻu we antatagum, sa an-aayatnu, sa angogomgomam atte pammatim ya sa ḵinapoḻḵasnu.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.

1 Peter 5:3

Adiyu bos ipatut pionyu'tta tagu we nitaḻgod ḵan diḵayu yaḵon diḵayu oḵyan ampaniyan si ambaḻu we ugali.