1 Peter 5:8 - Sa Ugud Apudyus

⁸ Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

1 Peter 5:8 ပူးပေါင်းရင်းမြစ်များ

Matthew 13:39

Ḵad sa ḵabusuḻe nangiwagawag si sabsabug, siya'ḵ Satan. Sa iyyaani siya anungus ni timpu ḵad da anghel an-ani.

Matthew 24:42

Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 4:1

Pune sadi, impuyut ni Ispiritu Santu aḵ Jesus atte bumbummaaw ta padason Satan sulisugon.

Matthew 4:11

Pune sadi, ummoyon aḵ Satan. Baag-en dummatong da anghel woḵ binadanganda'ḵ Jesus.

Mark 4:15

Da naottag atte daḻan, mipanida'tta tagu we dongngonda Ugud Apudyus. Ḵad umoy aḵ Satan ya ḵinaanna da Ugud Apudyus we dingngoḻda.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Luke 22:31

Pun ḵanan Jesus ḵan Peter, “Simon, dongngom ḵappos ibagaḵ. Ḵindaw Satan gundawaynae amappadas ḵan diḵayu losan ta ilana nu awad misina ḵan diḵayu we isun ni misinaan ni dugi'tte wheat nu matop-an.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

2 Corinthians 2:11

ta adi taḵu maallelaw ya maabaḵ ḵan Satan te iniiggammu taḵu da panggobna.

Ephesians 4:27

ta naippun gundaway Satan we anubsub ḵan diḵayu.

Ephesians 6:11

Iḵabotyu da losane aggome mausar aḵ saḻaḵnib da long-agyu we innatod Apudyus ta adi ḵayu paḵḵog si angallelaw Satan.

1 Timothy 2:15

Yaḵon mataguda taḵon ay umanaḵanda ya padaḵoḻonda da abengda nu pagatupanda pammatida ḵan Apudyus ya awad ayatda'tta asintataguda ya mitotoḵḵonda'ḵ taguna ta bumaḻu ugalida ya naannadda'tta ḵoonda.

1 Timothy 2:9

Da bubai ḵad os, ḵasapuḻane ummanda ansisilupda ya naannadda oḵyan. Daḵampun oḵyan aḵ patpatgonda am-amman da buuḵda, da iḵabotdae illing, da bongoḻ ya da buḻawan. Te sa somsomḵonda oḵyan, daḵampun aḵ sadi inondae angipaila'tta ḵinabaḻuda.

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

1 Timothy 3:2

Pun gapu ta ampatog sanae ḵewaaḻ, ḵasapuḻane ippun ḵadellawana, naannad ḵan lamogna tupodon long-agna. Ḵasapuḻane ossaan asawana ya adi maḵadagdagas. Ḵasapuḻane naangsan, ḵamamangili ya nalainge antuttudu.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.

Titus 1:8

Yaḵon ḵasapuḻane ḵamamangili ya siya pasige piona ḵoon da ambaḻu. Lamogna tupodon long-agna, naun-unan, ampoḻḵas somsomoḵna ya adipun bumasuḻ ya nadisiplina.

Titus 2:12

Gapu'tte sanae ḵadaguna, ituttuduna ḵan ditaḵu we an-awidan taḵu da losane ummadayuwan taḵu ḵan siya ya da losane amaamayon ta tupodon taḵu da long-ag taḵu. Ḵad unudon taḵu naun-unan ya sa naapudyusane antatagu si annae lubung.

Titus 2:2

Da anḵamaḻong-ag ḵad, ummam dida bagbagaan ta noandae uminum si bayas ya da udume ḵoḵoḵḵonda ta mibagaye mapatganda gapu'tta ambaḻu we ugalida ya tupodonda da long-agda. Bagbagaam os dida ta ipapatida pammatida, sipupusu oḵyan ayatda ya naattomda.

Titus 2:4

Ḵad bagbagaam os da ḵaḵosdoḻandae bubai ta matuttuduwanda si ustu we inondae angayat atta asawada ya da abengda.

Titus 2:6

Ḵaḵna bos atta bagbagu we laḻaḵi. Bagbagaam dida ta tupudonda da long-agda'tta losane ḵoḵoḵḵonda.

James 4:7

Pun paipangat ḵayu ḵan Apudyus ya sagangonyu'ḵ Satan woḵ umawid.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

Revelation 12:10

Naabus ḵad, dingngoḻḵu andangsoḻe ginga'd langite ḵanana, “Annan nituttuwa sanae anaguwan Apudyus atta tagu. Dummatong aḻgawe angipail-ana si ḵabooḻanae ampangat ya sa angipail-ana si ḵaḻabbongan ni Kristunae imbuunna. Te sa namabasuḻ atta susunud taḵu ḵan Kristu atte inaḻgaw ḵan nilabi'tte sinagung ni Apudyus taḵu, niballu'd lutae naḻpu'd langit.

Revelation 12:12

Pun ad langit ya diḵayu losane awad sidi anggangganas ḵayu, yaḵon ḵaddagu ḵayu we awad ad luta ya sa baybay. Te nan-osog aḵ Satan si igawyu ḵad amod de sangana te inigammunae aḵit daan si timpuna.”

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.

Revelation 20:2

Pun dinoḵmaana dragone sa nampailae isun di uḻog atte awe ya sa nangngadan os aḵ Satan. Ḵinawadana woḵ imballuna'tte abute ippun patinggan ni ḵaadaḻomna. Naabus ḵad, intuḻbiḵna sawangna ya pinaḵotana'tte maḻḵa ta sinyale adipun maḵwae mabuḵtan ta ippun ogon inonae angallelaw atta tagu'tta ḵinailin di ili inggana'ḵ magangput sillibu we tawon. Maabus ḵad, ḵasapuḻane mapuḵayan ḵasin yaḵon abuse sin-aḵitan.