1 Peter 4:4 - Sa Ugud Apudyus

⁴ Pun sinsana, nataag da adipun namati si adiḵayupun ogon midoga si natuḻ-ayan ḵan ḵoḵoḵḵonda woḵ sadi gapunae nan-ugudda'ḵ lawweng si mipanggob ḵan diḵayu.

1 Peter 4:4 ပူးပေါင်းရင်းမြစ်များ

Matthew 23:25

“Ḵaddagu ḵayu, diḵayu we Pharisee ya da mimistulun ni lintog. Ḵapappaila ḵayu! Iissuyu tagu we ḵiwasanae abus labaw ni tasa ya sa ubot ni palatu! Yaḵon ad daḻom atta somsomoḵyu, amo ḵamommod ḵayu ya pasigyu kulukon da asintataguyu.

Luke 15:13

“Naḻaḵpus ḵad sin-aḵitane aḻgaw, ingnginan ni udidi da losane billayna woḵ ummoy atte adayu we ili. Dummatong ḵad sidi, ginastuna pilaḵna'tta gaggatunge antatagu.

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

Acts 18:6

Yaḵon sinullagin ḵad da Judyu ḵan nan-uguugudanda'ḵ lawweng, iwwagwagna gabu si silupna ta angigammuwandae ḵigadda si madusaanda. Ḵanana, “Nu dusaon Apudyus diḵayu, sa long-agyu amuyuwanyu! Daḵampun aḵ basuḻḵu. Ḵad misaḻad sinsadi, iyyaḵ tuttuduwan da Gentil.”

Romans 13:13

Sa antatagu we ḵasapuḻane unudon taḵu, sa ampoḻḵas ḵan ambaḻu we mibagay atte tagu we awad si padda. Adi taḵu mabartek, adi taḵu maḵadagdagas ya adi taḵu ḵoon da udume ḵaḵaissawan ya ḵababbain ya adi taḵu ansusubog ḵan an-asiapos.

Ephesians 5:18

Ḵad adi ḵayu ambarbartek te dumadail yaḵon iyunudyu oḵyane sa ḵabooḻan ni Ispiritu Santu awad ḵan diḵayu.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 3:16

Ḵad ḵasapuḻane pasig ampoḻḵas somsomoḵyu ta awad ḵad an-ugud aḵ lawweng ḵan diḵayu gapu si ambaḻu we ugaliyu we namati ḵan Kristu, mibabbainda si inugudda.

2 Peter 2:12

Yaḵon da sanae angituttudu si daḵampun aḵ tuttuwa, an-ugudda'ḵ lawweng atte adidapun maawatan. Isudan tanane ayame miyanaḵda ta madoḵmaanda ya mapatoyda. Ḵad sa ambanagana, madadailda.

2 Peter 2:22

Sa naḵwa ḵan dida, panoḵnoḵandae tuttuwa da duwae ug-uggude ḵanana, “Mipauli asu ta ḵanona iyyutana,” ya “sa naamose boḻoḵ, mipauli umoy ambannaaw si piyoḵ.”

Jude 1:10

Yaḵon da sanae tagu we adipun naapudyusan, an-ugudda'ḵ lawwenge misullagi'tta banage adidapun maawatan. Isudan ayam te adidapun maḵaḵasḵasmoḵ nu ngai ambaḻu ḵan lawweng ya siya unudonda da gagangaye lawwenge pipionda. Ḵad da sanae banag anadail ḵan dida.