1 John 5:21 - Sa Ugud Apudyus

²¹ Ay-ayatoḵe aabengḵu, adayuwanyu da sinan-apudyus.

1 John 5:21 ပူးပေါင်းရင်းမြစ်များ

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

1 Corinthians 10:14

Pun ay-ayatoḵe susunud, adi ḵayu ogon andaydayaw atta sinan-apudyus.

1 Corinthians 10:7

Ḵad adi taḵu andayaw atta sinan-apudyus we isun ni ḵingwan da udum ḵan dida. Te sa ḵanan ni nigili, “Tummutuḵdudae nanganangan ya umminuinum, maabus ḵad summisiḵaddae nanggangganase isun da tagu we ippun pammatida ḵan Apudyus”

1 Thessalonians 1:9

On didae mismu nangug-uggud atte inonyu we nammangili ḵan diḵani ya sa inonyu bose nangiyagaye amati'tta sinan-apudyus woḵ ansagung ḵayu anserbi'tte tuttuwa ḵan matattagu we Apudyus.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

Revelation 14:11

Pasige ampangatu asuḵe maḻpu si apuye amaḵaḻam ḵan dida'ḵ inggana. Aḻgaw ḵan labi ye ippun umillongan da ampaḵaḻamanda te nandayawda'tte ḵaog-ogyate ayam ya sa sinan-ayame ḵais-isuna ya nampamaḻḵada'tte ngadan ni ḵaog-ogyate ayam.”

Revelation 9:20

Yaḵon da nabun-ane tagu we adipun nanḵaḵatoy gapu'tta sanae ampaḵaḻaman, adidapun nambabawi'tta basuḻda ya adidapun iyyagaye angwa. Sissiyae adidapun iyyagaye nanaydayaw atta aḻan ya da sinan-apudyus we naḵwa si buḻawan, palata, gambang, batu ya da ḵayu we ḵingwan di tagu we sinan-apudyus we adidapun maḵaila, maḵadongoḻ ya adidapun maḵataddaḻan.