1 John 5:10 - Sa Ugud Apudyus

¹⁰ Pun ngaimane amati si Abeng Apudyus, nimumuḻa'tte somsomoḵna panoḵnoḵ Apudyus atte mipanggob ḵan siya. Yaḵon sa adipun amati si imbagan Apudyus, ambalinonae tuliyan aḵ Apudyus te adinapun patiyon impanoḵnoḵnae mipanggob atte Abengna.

1 John 5:10 ပူးပေါင်းရင်းမြစ်များ

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 3:18

Pun da amati ḵan siya, adidapun maḵoddongan. Yaḵon da adipun amati, naḵoddonganda. Te adidapun amati'tte os-ossaane Abeng Apudyus.

John 3:33

Ḵad da amati'tta ibagana, panoḵnoḵandae tuttuwa ibagan Apudyus.

John 5:38

Ḵad sa ugudna, adipun lumnoḵ atta somsomoḵyu te adiḵayupun amati ḵan saḵone imbuunna.

Acts 8:37

Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.” Ḵanana, “On, amatiyaḵe Abeng Apudyus aḵ Jesu Kristu.”

Romans 8:16

Sa Ispiritu Santu we mismu anaḵdoḻ atte ispiritu taḵu we tuttuwae abeng Apudyus ditaḵu.

Galatians 4:1

Ḵaḵna pioḵ ugudon: Nu sa abeng sissiyae anawid atta ḵuḵuwan amana, ippun nisabaliyana si musassu taḵon ay nu siya sinḵuwa'tta losane binaḵnang amana.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Colossians 3:3

Te isuyun natoy mipanggob atta gagangaye ḵinatataguyu yaḵon sinsadi tuttuwae natattagu ḵayu ḵan Apudyus mipagapu'tte niyossaananyu ḵan Kristu. Da tagu we adipun namati adidapun maawatan baru we biyagyu.

Hebrews 3:12

Susunudḵu ḵan Kristu, ummanyu ta ippun ambalin aḵ lawweng ḵan diḵayu ya adipun namati ta adiyu an-awidan matattagu we Apudyus.

2 Peter 1:19

Pun napanoḵnoḵanni ye tuttuwa imbagabagan da profeta we an-uuggudon Apudyus si awe. Ḵad ambaḻu nu patiyonyu da imbagabagada te isunan silawe allangḻang si anggiḵbote lugar ingganae bumigbigat ḵad ampaila ambigatton ya allangḻang atta somsomoḵyu.

1 John 1:10

Yaḵon nu ḵanan taḵu we aditaḵupun naḵabasuḻ, ambalinon taḵu we tuliyan aḵ Apudyus ḵad sa Ugudna naippun ḵan ditaḵu.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

Revelation 12:17

Pun amo dummallu sangan ni dragon si bubai woḵ ummoy naḵagubat atta udume abengnae da anguunnud atta bilin Apudyus ya sissiyadae amati'tta impaigammun Jesus.

Revelation 2:17

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, ittaḵ dida si nitataḻu we maḵane ngannonda manna. Ittaḵ os sin-ossa ḵan dida'tte itaḵe batu we sa nigiliyan ni baru we ngadane naippun osa'ḵ angigammu si sadi ye ngadan nu adi sa tagu we maittana.’ ”

Revelation 2:28

Ittoḵ os ḵan dida'ḵ ambigatton.