1 John 5:1 - Sa Ugud Apudyus

¹ Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

1 John 5:1 ပူးပေါင်းရင်းမြစ်များ

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Luke 7:5

te ay-ayatona ditaḵu we Judyu ya siya nampaḵwa'tte sinagogani.”

John 1:3

Mipagapu ḵan siya ḵingwan Apudyus da losan. Naippun naḵwa nu adi gapu ḵan siya.

John 15:23

Ngaimane anasanga ḵan saḵon, sasangngaana bos aḵ Amaḵ.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 6:69

Namati ḵani ḵan iniiggammuni ye siḵa nasantuwane imbuun Apudyus.”

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Acts 8:37

Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.” Ḵanana, “On, amatiyaḵe Abeng Apudyus aḵ Jesu Kristu.”

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

1 John 2:10

Yaḵon ngaimane angayat atte asintataguna, iinggaw atte padda ḵad naippun ogon ḵoona'ḵ bumasuḻan da udum.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

1 John 3:14

Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.

1 John 3:17

Pun nu awad osa'ḵ anna ḵuḵuwana, silupna, mabalinna ya innilana asintatagunae angkurang atta ḵasapuḻana yaḵon adinapun ḵinadaguwan, ngai inonae angibagae ay-ayatona'ḵ Apudyus?

1 John 3:9

Sa abeng Apudyus, adinapun pagapagatupane bumasuḻ te sa biyag Apudyus iinggaw ḵan siya. Gapu ta nambalinon Apudyus aḵ abengna, adipun maḵwae pagapagatupanae bumasuḻ.

1 John 4:2

Annaya angimatunanyu nu awad de Ispiritu Santu ḵan dida. Da losane tagu we bigbigondae aḵ Jesu Kristu nambalin tagu, aḵ Apudyus naḻpuwan da ibagabagada.

1 John 4:20

Nu awad osa'ḵ ḵananae ayatona'ḵ Apudyus yaḵon sasangngaana asintataguna, tuliyan sanate tagu. Te nu adinapun os ayaton da asintatagunae mamaḵ-ila, adipun maḵwae ayatona'ḵ Apudyus we adinapun innila.

1 John 4:7

Ay-ayatoḵe buḻbuḻun, an-asiayat taḵu te sa ayat naḻpu ḵan Apudyus. Pun sa angayat atta bubuḻunna, siya abeng Apudyus ya igammuna'ḵ Apudyus.

1 John 5:18

Awad da tuḻu we igammuwon taḵu oḵyan. Sa umuna, igammu taḵu we ippun abeng Apudyus aḵ pagapagatupanae bumasubasuḻ te saḻaḵniban ni Abeng Apudyus ḵad ippun lamog Satan we aniwdiwat ḵan siya.

1 John 5:4

te ngaimane abeng Apudyus, oḻgona da tagu we adipun amati we sumullagi ḵan Apudyus. Ḵad sa pammati taḵu ḵan Jesu Kristu, siya iyang-angngog taḵu'tta tagu we adipun amati.

1 John 5:5

Te sa paḵḵog atta tagu we adipun amati ye sumullagi ḵan Apudyus, siya amati ye aḵ Jesus Abeng Apudyus.