1 John 4:2 - Sa Ugud Apudyus

² Annaya angimatunanyu nu awad de Ispiritu Santu ḵan dida. Da losane tagu we bigbigondae aḵ Jesu Kristu nambalin tagu, aḵ Apudyus naḻpuwan da ibagabagada.

1 John 4:2 ပူးပေါင်းရင်းမြစ်များ

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

1 Corinthians 12:3

Pun pioḵe maawatanyu we sa tagu we idaḻan ni Ispiritu Santu adipun an-aḻawag mipanggob ḵan Jesus. Ḵad naippun os tagu'ḵ ḵananae angibaga, “Aḵ Jesus siya Apu,” nu adin ni Ispiritu Santu idaḻan.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

1 John 2:23

Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

1 John 4:15

Ḵad ngaimane amigbig we aḵ Jesus Abeng Apudyus, iinggaw ḵan Apudyus ya iinggaw os aḵ Apudyus ḵan siya.

1 John 4:3

Yaḵon da losane tagu we adipun amigbig atte mipanggob ḵan Jesus we nambalin tagu, daḵampun ḵan Apudyus naḻpuwan da ibagabagada nu adi sa Ispiritun ni sumullagi ḵan Kristu. Didingngoḻyu we umali sadi ye sumullagi ḵan Kristu ḵad naabuse anna si lubung sinsadi.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

2 John 1:7

Te lummoswa da adu we umallelaw si annae lubung. Adidapun bigbigone aḵ Jesu Kristu nambalin aḵ tuttuwae tagu'tte ummaliyana si lubung. Da ḵaḵnate tagu, umallelawda ya ḵabusuḻ Kristu dida.