1 John 4:18 - Sa Ugud Apudyus

¹⁸ Nu awad ayat taḵu ḵan Apudyus, naippun umogyatan taḵu yaḵon sa ayate naippun angkurangana, tupodona ogyat. Te sa maḻpuwan ni ogyat sa sosomḵon taḵu mipanggob si andusaan Apudyus. Ḵad ngaimane umogyat, sissiyae angkurang ayatna.

1 John 4:18 ပူးပေါင်းရင်းမြစ်များ

Matthew 9:34

Yaḵon ḵanan da Pharisee, “Sa pangat da aḻan nangitod atte ḵabooḻanae amaḻyaw atta aḻan.”

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

2 Timothy 1:7

Te sa Ispiritu we innatod Apudyus ḵan ditaḵu, daḵampun si ogyat yaḵon sa ḵabooḻan taḵu we anserbi ḵan Apudyus, sa ayaton taḵu da udume tagu ya sa lamog taḵu we anupod si long-ag taḵu.

Hebrews 12:28

Pun anggappiya taḵu ḵan Apudyus te midoga taḵu si ampangatanae adipun mayugayug. Ḵad dayawon taḵu'tte mas-omana ya patgan taḵu ḵan isipog taḵu.

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

1 John 4:12

Ippun paat tagu'ḵ nangila ḵan Apudyus. Yaḵon nu an-asiayat taḵu, iinggaw aḵ Apudyus ḵan ditaḵu ḵad maila si biyag taḵu ayat Apudyus we naippun kurangna.