1 John 4:16 - Sa Ugud Apudyus

¹⁶ Pun igammu taḵu ya patiyon taḵu we ayaton ditaḵu ḵan Apudyus. Aḵ Apudyus pasig naayat. Pun sa tagu we pagatupanae angayat ḵan Apudyus ya da buḻunna, iinggaw ḵan Apudyus ya iinggaw os aḵ Apudyus ḵan siya.

1 John 4:16 ပူးပေါင်းရင်းမြစ်များ

John 6:69

Namati ḵani ḵan iniiggammuni ye siḵa nasantuwane imbuun Apudyus.”

John 9:3

Ḵanan Jesus, “Daḵampun aḵ basuḻna baḵon nu da sin-abeng. Yaḵon naḵwa anna ḵan siya ta mipaila ḵabooḻan Apudyus we angaan atte ḵuḻapna.

1 Corinthians 2:9

Yaḵon sa ḵanan ni nigili ye Ugud Apudyus, “Sa adimpun da tagu innila ya adidapun dingngoḻ baḵon nu adidapun simsimmoḵ, sadi insaganan Apudyus para'tta angayat ḵan siya.”

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.

1 John 4:7

Ay-ayatoḵe buḻbuḻun, an-asiayat taḵu te sa ayat naḻpu ḵan Apudyus. Pun sa angayat atta bubuḻunna, siya abeng Apudyus ya igammuna'ḵ Apudyus.