1 John 4:15 - Sa Ugud Apudyus

¹⁵ Ḵad ngaimane amigbig we aḵ Jesus Abeng Apudyus, iinggaw ḵan Apudyus ya iinggaw os aḵ Apudyus ḵan siya.

1 John 4:15 ပူးပေါင်းရင်းမြစ်များ

Matthew 10:32

Pinagatupan Jesus woḵ ḵanana, “Pun ngaimane amigbig ḵan saḵon si sinagung da tagu, bigbigoḵ os atte sinagung Amaḵ ad langit.

Luke 12:8

Pinagatupan os Jesus woḵ ḵanana ḵan dida, “Annaya ibagaḵ ḵan diḵayu, ngaimane amigbig ḵan saḵon si sinagung da tagu, Saḵone Abeng Di Tagu bigbigoḵ os atte sinagung da anghel Apudyus.

John 6:56

Ngaimane angan atte long-agḵu ya anginum atte daḻaḵ, iinggaw ḵan saḵon ya iinggawaḵ os ḵan siya.

Acts 8:37

Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.” Ḵanana, “On, amatiyaḵe Abeng Apudyus aḵ Jesu Kristu.”

Romans 10:9

Te nu ibabaggayu we aḵ Jesus an-Apuyu ya patiyonyu'tta pusuyu we siya tinagun Apudyus, matagu ḵayu.

Philippians 2:11

Ḵananda losan, aḵ Jesu Kristu Apu. Ḵad sadi midaydayawan Apudyus we Ama.

1 John 2:23

Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

1 John 2:24

Isisimoḵyu da tuttuwae tuttudu we dingngoḻyu inggan ni namatiyanyu. Nu ḵatti ḵoonyu, iinggaw ḵayu ḵan Apudyus we Ama ya sa Abengna.

1 John 3:23

Pun annaya imbilinna ḵan ditaḵu: Amati taḵu oḵyan ḵan Jesu Kristu we Abengna ya an-asiayat taḵu te siya imbilin Kristu ḵan ditaḵu.

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.

1 John 4:12

Ippun paat tagu'ḵ nangila ḵan Apudyus. Yaḵon nu an-asiayat taḵu, iinggaw aḵ Apudyus ḵan ditaḵu ḵad maila si biyag taḵu ayat Apudyus we naippun kurangna.

1 John 4:2

Annaya angimatunanyu nu awad de Ispiritu Santu ḵan dida. Da losane tagu we bigbigondae aḵ Jesu Kristu nambalin tagu, aḵ Apudyus naḻpuwan da ibagabagada.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

1 John 5:5

Te sa paḵḵog atta tagu we adipun amati ye sumullagi ḵan Apudyus, siya amati ye aḵ Jesus Abeng Apudyus.

2 John 1:7

Te lummoswa da adu we umallelaw si annae lubung. Adidapun bigbigone aḵ Jesu Kristu nambalin aḵ tuttuwae tagu'tte ummaliyana si lubung. Da ḵaḵnate tagu, umallelawda ya ḵabusuḻ Kristu dida.