1 John 4:12 - Sa Ugud Apudyus

¹² Ippun paat tagu'ḵ nangila ḵan Apudyus. Yaḵon nu an-asiayat taḵu, iinggaw aḵ Apudyus ḵan ditaḵu ḵad maila si biyag taḵu ayat Apudyus we naippun kurangna.

1 John 4:12 ပူးပေါင်းရင်းမြစ်များ

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

1 Corinthians 13:13

Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.

1 Timothy 1:17

Pun siya Ari aḵ inggainggana, adipun matoy, adipun maila, abus aḵ Apudyus. Siya ipatpatog taḵu ḵan daydayawon taḵu'ḵ inggainggana. Amen.

1 Timothy 6:16

Ḵad adipun paat matoy ya ippun tagu'ḵ maḵaadani ḵan siya te ummamdan silingna. Naippun paat tagu'ḵ nangila baḵon nu maḵaila ḵan siya. Madaydayaw oḵyan ya siya ampangat aḵ inggainggana. Amen.

Hebrews 11:27

Gapu si pammati, tinenan Moses ad Egypt we adinapun iyyogyat sangan ni ari. Inanusanae nampaḵaḻam te isun di innilana'ḵ Apudyus we adipun maila.

1 John 2:5

Yaḵon ngaimane anuttuwa'tte Ugud Apudyus, tuttuwae ippun angkurangan ni ayatna ḵan siya. Ḵad ngaimane ḵananae iinggaw ḵan Apudyus, ḵasapuḻane unudona ugalin Jesu Kristu. Ḵad nu ḵoon taḵu ḵatti, sanat angigammuwan taḵu we iinggaw taḵu ḵan Apudyus.

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.

1 John 4:16

Pun igammu taḵu ya patiyon taḵu we ayaton ditaḵu ḵan Apudyus. Aḵ Apudyus pasig naayat. Pun sa tagu we pagatupanae angayat ḵan Apudyus ya da buḻunna, iinggaw ḵan Apudyus ya iinggaw os aḵ Apudyus ḵan siya.

1 John 4:20

Nu awad osa'ḵ ḵananae ayatona'ḵ Apudyus yaḵon sasangngaana asintataguna, tuliyan sanate tagu. Te nu adinapun os ayaton da asintatagunae mamaḵ-ila, adipun maḵwae ayatona'ḵ Apudyus we adinapun innila.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.