1 John 4:1 - Sa Ugud Apudyus

¹ Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

1 John 4:1 ပူးပေါင်းရင်းမြစ်များ

Mark 13:21

Ḵanan os Jesus, “Sa sadi ye timpu, nu awad ḵananae, ‘Ilanyu, annaya Kristu,’ baḵon nu, ‘Andiya,’ adiyu patiyon.

Luke 12:57

Pinagatupan Jesus woḵ ḵanana, “Ummanyu ḵappos ḵuttuḵuttumon da ustu we ḵoonyu.

Luke 21:8

Pun ḵanana, “Ummanyu ta adi ḵayu maallelaw. Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu gapu si ḵanandae ‘Saḵon Kristu,’ ya ḵananda bos, ‘Madam-an dumaḵngan ni sadi ye aḻgawe misaḻdan ni ampangatan Apudyus.’ Yaḵon adiyu unudon dida.

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

Acts 20:29

Te igammuḵe sibot ḵad ni ayonaḵ, awad da umali ḵan diḵayu we sinan mistulu we isudan atape asu we umoy dumadail si pammatiyu ya da ayyuwananyu. Ḵad ippun gagada ḵan dida.

1 Corinthians 12:10

Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.

1 Corinthians 14:29

Awad oḵyan duwa baḵon nu tuḻu we tagu'ḵ an-ugud atta pinion Apudyus ipaigammu. Ḵad da udum ḵan dida angusig nu tuttuwae naḻpu ḵan Apudyus da ngaimane ugudonda.

1 Thessalonians 5:20

ya adiyu bos amsewon da Ugud Apudyus we imbagan da profetana.

1 Thessalonians 5:21

Yaḵon ḵasapuḻane panoḵnoḵanyu da losane mituttudu ya siya pagay unudonyu da ambaḻu.

2 Thessalonians 2:2

adi oḵyan daguse maḵogway da somsomoḵyu'tta ang-angwa'ḵ ug-uggud ya ibagadae impadtuni baḵon nu insuḻatni ye naabuse dummatong aḻgawe angulinan Apu.

1 Timothy 4:1

Nalawag imbagan ni Ispiritu Santu we sa umali ye aḻgaw, an-awidan da udume tagu ustu we pammatida. Ḵad siya patiyonda umallelawe ispiritu ya sa tuttudun da aḻan.

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

1 John 2:18

Aabengḵu, madam-an anungus ni lubung! Dingngoḻyu we umunae umali sumullagi ḵan Kristu. Pun sinsana ḵad ummaduadu da sumullagi ḵan siya. Ḵad sanat angigammuwan taḵu we madam-an anungus ni lubung.

1 John 2:7

Ay-ayatoḵe buḻbuḻun, daḵampun aḵ baru annae biline ipaigammuḵ ḵan diḵayu te inggan ni namatiyanyu ḵan Jesu Kristu, dingngoḻyu dadaane bilinnae ḵanana, ḵasapuḻane an-asiayat ḵayu.

2 John 1:7

Te lummoswa da adu we umallelaw si annae lubung. Adidapun bigbigone aḵ Jesu Kristu nambalin aḵ tuttuwae tagu'tte ummaliyana si lubung. Da ḵaḵnate tagu, umallelawda ya ḵabusuḻ Kristu dida.

3 John 1:11

Ay-ayatoḵe buḻbuḻun, adim unudon da angwa'tta lawweng yaḵon unudom da angwa'tta ambaḻu. Te da angwa'tta ambaḻu, dida da abeng Apudyus yaḵon da angwa'tta lawweng ippun igammuda ḵan Apudyus.

Revelation 2:2

Igammuḵ da losane ḵooḵoonyu, sa ansigabe ḵewaaḻyu ya ḵinaanusyu we angiyattom atta ampaḵaḻaman. Igammuḵe adiyupun maanusan da lawwenge tagu. Ḵad pinadasyu da ngannonda da long-agda apostol taḵon ay nu daḵandapun woḵ inigammuyu we tuliyanda.