1 John 3:7 - Sa Ugud Apudyus

⁷ Aabengḵu, ummanyu ta adi ḵayu paallelaw. Ngaimane amagapagatupe angwa'tta maun-unan, sanat tagu we naun-unane isun Kristu.

1 John 3:7 ပူးပေါင်းရင်းမြစ်များ

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Luke 1:75

Ta ambaḻu ugali taḵu ya unudon taḵu maun-unane antatagu we piniona inggana'ḵ matoy taḵu.”

Acts 10:35

yaḵon awatona da ngaimane tagu, Judyu man baḵon nu Gentil we angisipog ḵan Apudyus ya ustu da ḵoonda.

Romans 2:13

Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Hebrews 1:8

Yaḵon ḵanana si mipanggob si Abengna, “Siḵa Apudyus, ampangatḵa'ḵ inggana! Ḵad naun-unan inome ampangat.

Hebrews 7:2

Pune sadi, innatod Abraham ḵan Melchizedek da ḵasimpuḻun da losane sinamsamda. Sa pion ni ngadane Melchizedek ḵanan, “arin ni naun-unan” ya siya bos ngannonda “ari'd Salem” we sa piona ḵanan “arin ni lin-awa.”

James 1:22

Ḵasapuḻane tuttuwaonyu ibagan ni Ugud Apudyus ya adiyu dongngone abus. Te nu abus dongngonyu ya adiyupun ḵoon, allelawonyu da long-agyu.

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

1 John 2:26

Inggiliḵ anna ḵan diḵayu mipanggob atta amappadas angallelaw ḵan diḵayu.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.

1 John 3:3

Sa tagu we annamnama'tta sanae banag gapu ḵan Kristu, papoḻḵasonae mismu long-agnae isuna'ḵ Jesus.

1 John 4:17

Ḵad nu ḵatti isun ni biyag taḵu, amo madog-an ayat taḵu ta ippun ogon kurangna. Ḵad antaḻgod taḵu si aḻgawe anguwisan Apudyus atta tagu te sa ugali taḵu'tte lubung, isuna bos ugalin Kristu.