1 John 3:2 - Sa Ugud Apudyus

² Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

1 John 3:2 ပူးပေါင်းရင်းမြစ်များ

Matthew 5:8

Pian da tagu we ipapatidae ustu sosomḵon aḵ Apudyus te aaddi ye ilanda'ḵ Apudyus si umali ye aḻgaw.

Luke 17:30

Sanat iissun ni maḵwa si aḻgawe ampail-an ni Abeng Di Tagu.”

Luke 20:36

Te adidapun ogon matoye isun da anghel we adidapun ogon matoy ya dida da abeng Apudyus te ummulida.

John 1:12

Yaḵon da losane nangawat ya namati ḵan siya, innatodna ḵan dida ḵaḻabbongane ambalin aḵ abeng Apudyus.

John 11:52

Ḵad daḵampun aḵ abus da ḵailiyana yaḵon andaḵdaḵngona da abeng Apudyus we naas-asipaḻaḵ atta nansabasabali ye ili ta da losane abeng Apudyus Judyu man ḵan Gentil an-ossaanda.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

Romans 8:16

Sa Ispiritu Santu we mismu anaḵdoḻ atte ispiritu taḵu we tuttuwae abeng Apudyus ditaḵu.

Romans 8:18

Te ibelangḵu we sa ampaḵaḻaman taḵu sinsadi ye timpu sina'd luta, ippun miyisuwana si ḵabaḻuwane antatagu ḵan Apudyus ad langit si umali ye aḻgaw.

Romans 8:19

Te da losane ḵingwan Apudyus, uuwayonda timpu we angipail-an Apudyus atte ḵinangatun da abengna.

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

1 Corinthians 13:12

Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.

1 Corinthians 15:49

Sinsadi, miyisu ḵatollongan ni long-ag taḵu'tte ḵatollongan ni long-ag ni tagu we naḻpu'tte luta, ḵatti bose sa umali ye aḻgaw, miyisu ḵatollongan ni long-ag taḵu'tte long-ag Jesu Kristu we naḻpu'd langit.

1 Corinthians 2:9

Yaḵon sa ḵanan ni nigili ye Ugud Apudyus, “Sa adimpun da tagu innila ya adidapun dingngoḻ baḵon nu adidapun simsimmoḵ, sadi insaganan Apudyus para'tta angayat ḵan siya.”

2 Corinthians 3:18

Pun losan ḵan ditaḵu we namati, daḵampun aḵ isu taḵu'ḵ Moses we natalingdan bosaḻna yaḵon ipaila taḵu we isun di ladawan dayaw ḵan ḵabooḻan Apu ya patilayune mabaliwan taḵu bumaḻu inggana'ḵ miyisu taḵu ḵan siya. Te aḵ Apu we sa Ispiritu Santu amagatupe amabaru ḵan amabaḻu ḵan ditaḵu.

2 Corinthians 4:17

Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana.

Galatians 3:26

Te losan ḵayu nibelang aḵ dummaḵoḻe abeng Apudyus mipagapu si pammatiyu ḵan Jesu Kristu si niyossaananyu ḵan siya.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

Colossians 3:4

Aḵ Kristu siya mataguwanyu ḵad nu ampaila, midoga ḵayu bos ḵan siya si madayawana ḵan ḵinangatuna.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

2 Peter 1:4

Gapu si ḵinadayawna ḵan ḵinabaḻuna, innatodna ḵan ditaḵu da ampapatog ya ambabaḻu we inkarina ta mipagapu'tta sana, miligsi taḵu'tta amaamayon da tagu'tte lubunge anadail ḵan dida ya sa ugali taḵu miyisu ḵan Apudyus.

1 John 2:28

Pun sinsadi, diḵayu we aabengḵu, iinggaw ḵayu ḵan siya ta ippun umogyatan taḵu ḵan mabainan taḵu nu ḵasin umali.

1 John 2:7

Ay-ayatoḵe buḻbuḻun, daḵampun aḵ baru annae biline ipaigammuḵ ḵan diḵayu te inggan ni namatiyanyu ḵan Jesu Kristu, dingngoḻyu dadaane bilinnae ḵanana, ḵasapuḻane an-asiayat ḵayu.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

1 John 3:10

Ḵaḵna angimatunan taḵu'tta abeng Apudyus ya da abeng Satan: Da tagu we daḵampun aḵ abeng Apudyus, adidapun ḵoon da ustu ya adidapun ayaton da asintataguda.

1 John 3:21

Pun diḵayu we ay-ayatoḵe buḻbuḻun, nu adimpun da somsomoḵ taḵu pabasuḻon ditaḵu, antaḻgod taḵu we umadani si sinagung Apudyus.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

Revelation 2:28

Ittoḵ os ḵan dida'ḵ ambigatton.

Revelation 22:4

Ḵad ilanda bosaḻna ya migili ngadanna'tta ḵidayda.