1 John 3:17 - Sa Ugud Apudyus

¹⁷ Pun nu awad osa'ḵ anna ḵuḵuwana, silupna, mabalinna ya innilana asintatagunae angkurang atta ḵasapuḻana yaḵon adinapun ḵinadaguwan, ngai inonae angibagae ay-ayatona'ḵ Apudyus?

1 John 3:17 ပူးပေါင်းရင်းမြစ်များ

Luke 3:11

Ḵanana, “Ngaimane duwa silupna, ittona oḵyan osa'tte ippun silupna. Ḵad sa ansawaḻ aḵ maḵan, angitod oḵyan atta ippun ḵanonda.”

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Hebrews 13:16

Adi taḵu maliwatane angwa'tta ambaḻu ya allaay taḵu we angitod atta anḵasapuḻ te ḵatti datune mas-oman Apudyus.

James 2:15

Awatna, nu awad sunud taḵu ḵan Kristu ya angkurang aḵ silup ḵan maḵan,

James 2:16

ya awad angibaga ḵan siya ḵanane, “Inḵan lumin-awa somsomoḵnu, adiḵa maḵumog ya mamassugḵa oḵyan.” Yaḵon adinapun itton da ḵasapuḻana, awad ḵamman anun ni imbagana?

1 John 4:20

Nu awad osa'ḵ ḵananae ayatona'ḵ Apudyus yaḵon sasangngaana asintataguna, tuliyan sanate tagu. Te nu adinapun os ayaton da asintatagunae mamaḵ-ila, adipun maḵwae ayatona'ḵ Apudyus we adinapun innila.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.