1 John 3:14 - Sa Ugud Apudyus

¹⁴ Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.

1 John 3:14 ပူးပေါင်းရင်းမြစ်များ

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’

Luke 15:24

Te sa annae abengḵu isun di natoy yaḵon annae natagu. Nataḻaḵ yaḵon annae naodasan.’ Pune sadi insaḻaddae nanggangganas.

Luke 15:32

Yaḵon ḵasapuḻane anggangganas taḵu te sa annae sunudnu isun di natoy yaḵon natagu. Nataḻaḵ yaḵon naodasan.’ ”

Luke 7:5

te ay-ayatona ditaḵu we Judyu ya siya nampaḵwa'tte sinagogani.”

John 13:35

Siya angigammuwan da losane tagu we disipuluḵ diḵayu nu an-asiayat ḵayu.”

John 15:12

“Annaya bilinḵu ḵan diḵayu, an-asiayat ḵayu we isun ni nan-aayatḵu ḵan diḵayu.

John 15:17

Pun sa bilinḵu ḵan diḵayu, an-asiayat ḵayu.”

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

2 Corinthians 5:1

Pun igammu taḵu we taḵon ay nu matoy long-ag taḵu we isun ni boḻoy taḵu'd lutae madadail, awad de boḻoye maatod ḵan ditaḵu'd langite sa baru we long-age itton Apudyus. Daḵampun aḵ ḵingwan di tagu te ḵingwan Apudyus we mismu ya ippun patinggana.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Ephesians 1:15

Gapu'tte sadi, inggan ni dingngoḻḵu pammatiyu ḵan Apu Jesus ya sa ayatyu'tta losane dogayu we tagun Apudyus,

Ephesians 2:1

Sa daanyu amatiyan, isuyun nanattoy atte mipanggob ḵan Apudyus gapu'tta basuḻyu.

Ephesians 2:5

Taḵon ay nu isun di natoy taḵu gapu'tta basuḻ taḵu, innatodna baru we biyag gapu si niyossaanan taḵu ḵan Kristu. Pun sa ḵinabaḻun Apudyus gapun ni nataguwan taḵu'tte madusaan si basuḻ.

Colossians 1:4

te dingngoḻni mipanggob atte pammatiyu ḵan Jesu Kristu ya sa ayatyu'tta losane tagun Apudyus.

1 Thessalonians 4:9

Yaḵon sa mipanggob si ayat atta sunud si pammati, naippun ibagani te aḵ Apudyus we mismu nanuttudu ḵan diḵayu'tte inonyu we an-asiayat.

Hebrews 13:1

Pagatupanyu we an-asiayate isun di ansusunud ḵan Kristu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 3:8

Annaya mungimung ni ibagabagaḵ. Ḵasapuḻane an-os-ossaan ḵayu losan atte somsomoḵ ḵan maḵagiḵna ḵayu'tta buḻunyu. An-asiayat ḵayu we isun di mismu we ansusunud, an-asiḵadagu ḵayu ya ipakumbabayu da long-agyu.

2 Peter 1:7

Losan atta sanat, sa naapudyusane antatagu dog-anyu ayat atta susunudyu we namati ya sa ayat os atta ngaimane tagu.

1 John 2:3

Nu tuttuwaon taḵu da bilin, naippun duwaduwanae igammu taḵu'ḵ Apudyus.

1 John 3:23

Pun annaya imbilinna ḵan ditaḵu: Amati taḵu oḵyan ḵan Jesu Kristu we Abengna ya an-asiayat taḵu te siya imbilin Kristu ḵan ditaḵu.

1 John 4:12

Ippun paat tagu'ḵ nangila ḵan Apudyus. Yaḵon nu an-asiayat taḵu, iinggaw aḵ Apudyus ḵan ditaḵu ḵad maila si biyag taḵu ayat Apudyus we naippun kurangna.

1 John 5:13

Inggiliḵ da annae banag ḵan diḵayu we namati si Abeng Apudyus ta angigammuwanyu we awad ḵan diḵayu biyag aḵ inggana.

1 John 5:2

Sana angigammuwan taḵu we ayaton taḵu bos da buḻun taḵu we abeng Apudyus, nu ayaton taḵu'ḵ Apudyus ya tuttuwaon taḵu da bilinna.