1 John 3:12 - Sa Ugud Apudyus

¹² Daḵampun oḵyan atte ugalin Cain unudonyu te aḵ Cain tagun Satan woḵ gingngatna'ḵ Abel we sunudna. Ngai gapun ni nangongatan Cain ḵan Abel? Gapu'tte lawweng da ḵoḵoḵḵona yaḵon naun-unan da ḵingwan ni sunudna.

1 John 3:12 ပူးပေါင်းရင်းမြစ်များ

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Matthew 13:38

Ḵad sa payaw, siya annae lubung ya sa ambaḻu we iliḵ, dida da tagu we midoga si ampangatan Apudyus, ḵad da sabsabug, dida da tagun Satan.

Matthew 23:35

Pun madusa ḵayu gapu'tte nagongatan da naun-unane tagu misaḻad atte nangongatanda ḵan Abel we ambaḻu inggana'tte nangongatanda ḵan Zechariah we abeng Barachiah we gingngat da danaḵḵoḻyu si nambootan ni altar ya sa templo.

Matthew 27:23

Ḵanan Gobernor Pilate, “Ngaipa? Ngai ḵad ain ḵingwana?” Yaḵon amo ḵanandae nanugtug-uy, “Paipattoḻnu'tte kros!”

Matthew 5:37

Unnoyna ḵananyu we ‘On’ nu tuttuwa ḵan ‘Naid’ nu daḵampun. Da losane ituḻ-ayyu, maḻpu ḵan Satan we ḵaḻawengan.”

Luke 11:51

On, da losane profeta, misaḻad atte nangongatanda ḵan Abel inggana'tte nangongatanda ḵan Zechariah we gingngatda'tte nambootan ni altar ḵan templo. Annaya ibagaḵ ḵan diḵayu, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.

John 10:32

Yaḵon ḵanan Jesus, “Impailaḵ da adu we ambaḻu ḵan diḵayu we impaḵwan Amaḵ. Ngai'tta anna gapunae batuwonaḵ?”

John 8:40

Yaḵon sinsadi, singsingtonyu angongatanyu ḵan saḵone nangibaga'tte ḵatuttuwaane dingngoḻḵu ḵan Apudyus. Daḵampun aḵ ḵaḵna ḵingwan Abraham.

John 8:41

Siya ḵoonyu ḵingwan amayu.” Pun ḵananda ḵan siya, “Diḵani ḵad, daḵanḵanipun aḵ banagi. Sa igammuni, abus aḵ Apudyus aḵ Amani.”

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.

1 Thessalonians 2:14

Te diḵayu ḵad susunud, nampaḵaḻam ḵayu gapu'tta ḵailiyanyu we isun ni naḵwa'tta gimung da namati ḵan Apudyus atte probinsiya'd Judea we da niyossaan ḵan Jesu Kristu te nampaḵaḻamon os da susunuddae Judyu dida.

Hebrews 11:4

Mipagapu si pammatin Abel, naḵaay-ayu indatunnae datun ḵan Apudyus nu sa datun Cain. Gapu si pammatina, imbelang Apudyus aḵ naun-unan te inawatna indatun Abel. Ḵad taḵon ay nu natoy sissiyae an-ugud gapu si pammatina.

Hebrews 12:24

Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

1 Peter 4:4

Pun sinsana, nataag da adipun namati si adiḵayupun ogon midoga si natuḻ-ayan ḵan ḵoḵoḵḵonda woḵ sadi gapunae nan-ugudda'ḵ lawweng si mipanggob ḵan diḵayu.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

Jude 1:11

Ḵaddaguda te gattoḵe ampaḵimut dusada! Te unudonda lawwenge ugalin Cain, ḵad sa basuḻda isuna basuḻ Balaam we ḵamommod si pilaḵ ya sullagiyonda bos da angipangpangu ḵan didae isun ni ḵingwan Korah ḵan Moses atte awe. Gapu'tta ḵoḵoḵḵonda, madusada'ḵ ingganae isun ni dusan Korah.

Revelation 17:6

Ḵad innilaḵ sadi ye bubai ye nabartek atta daḻan da tagun Apudyus we nagongat gapu'tte nanaḵdoḻanda ḵan Jesus. Sa nan-iilaḵ ḵan siya, gattoḵe nataagaḵ.