1 John 3:11 - Sa Ugud Apudyus

¹¹ Sa tuttudu we dingngoḻyu si inggan ni namatiyanyu, ḵasapuḻane an-asiayat taḵu.

1 John 3:11 ပူးပေါင်းရင်းမြစ်များ

John 13:4

Pun summiḵad aḵ Jesus woḵ ḵinaanna taḵḵop ni silupna. Naabus ḵad, innaḻana tuwalya woḵ nanḵainna.

John 15:12

“Annaya bilinḵu ḵan diḵayu, an-asiayat ḵayu we isun ni nan-aayatḵu ḵan diḵayu.

Galatians 6:2

An-asibadang ḵayu nu awad andagson aḵ problemayu te nu ḵatti ḵoonyu, tinuttuwayu lintog Kristu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

1 Thessalonians 4:9

Yaḵon sa mipanggob si ayat atta sunud si pammati, naippun ibagani te aḵ Apudyus we mismu nanuttudu ḵan diḵayu'tte inonyu we an-asiayat.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 3:8

Annaya mungimung ni ibagabagaḵ. Ḵasapuḻane an-os-ossaan ḵayu losan atte somsomoḵ ḵan maḵagiḵna ḵayu'tta buḻunyu. An-asiayat ḵayu we isun di mismu we ansusunud, an-asiḵadagu ḵayu ya ipakumbabayu da long-agyu.

1 Peter 4:8

Sa ḵapatogane ḵoonyu, papigsaonyu an-asiayatanyu te nu an-asiayat ḵayu, adiyupun sosomḵon da amode basuḻ da buḻunyu yaḵon an-asianus ḵayu ya an-asipakawan ḵayu.

1 John 1:5

Annaya ugude dingngoḻni ye naḻpu'tte Abeng Apudyus we iwaḻagawagni ḵan diḵayu: Aḵ Apudyus isun di silaw ḵad naippun paat giḵbot ḵan siya.

1 John 4:11

Ay-ayatoḵe buḻbuḻun, gapu ta amod nan-aayat Apudyus ḵan ditaḵu, ḵasapuḻan ose an-asiayat taḵu.

1 John 4:21

Pun annaya imbilin Apudyus ḵan ditaḵu: Sa angay-ayat ḵan Apudyus, ḵasapuḻan ose ayatona da asintataguna.

1 John 4:7

Ay-ayatoḵe buḻbuḻun, an-asiayat taḵu te sa ayat naḻpu ḵan Apudyus. Pun sa angayat atta bubuḻunna, siya abeng Apudyus ya igammuna'ḵ Apudyus.

2 John 1:5

Ḵad sinsadi annaya ibagaḵ, ḵodawoḵ ḵan siḵae patpatgoḵe ina. An-asiayat taḵu oḵyan. Daḵampun aḵ baru we bilin anna yaḵon sa inninggaw ḵan ditaḵu si inggan ni laplapu.