1 John 3:10 - Sa Ugud Apudyus

¹⁰ Ḵaḵna angimatunan taḵu'tta abeng Apudyus ya da abeng Satan: Da tagu we daḵampun aḵ abeng Apudyus, adidapun ḵoon da ustu ya adidapun ayaton da asintataguda.

1 John 3:10 ပူးပေါင်းရင်းမြစ်များ

Matthew 13:38

Ḵad sa payaw, siya annae lubung ya sa ambaḻu we iliḵ, dida da tagu we midoga si ampangatan Apudyus, ḵad da sabsabug, dida da tagun Satan.

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

John 1:12

Yaḵon da losane nangawat ya namati ḵan siya, innatodna ḵan dida ḵaḻabbongane ambalin aḵ abeng Apudyus.

John 11:52

Ḵad daḵampun aḵ abus da ḵailiyana yaḵon andaḵdaḵngona da abeng Apudyus we naas-asipaḻaḵ atta nansabasabali ye ili ta da losane abeng Apudyus Judyu man ḵan Gentil an-ossaanda.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

John 8:47

Da abeng Apudyus, ummanda dongngon da ugudona ya amatida'tta ibagana. Yaḵon daḵanḵayupun aḵ abeng Apudyus, siya adiyu angngoḻan ḵan amatiyan atta ugudona.”

Acts 13:10

Ḵanana, “Siḵa abeng Satan, siḵae ḵabusuḻ da losane naun-unan, pinus-annu da losane kalasin di sinisiḵap ya kinukuluk te ambalinom aḵ tinutuli ḵatuttuwaane Ugud Apudyus.

Romans 13:8

Bayadan taḵu da utang taḵu. Ḵad an-asiayat taḵu. Te sa angayat si asintataguna, tinuttuwana da Lintog Apudyus.

Ephesians 5:1

Pun gapu ta diḵayu da abeng Apudyus we ayatona, ḵasapuḻane siya oḵyan unudonyu,

Colossians 3:14

Ḵad ḵasapuḻan ose idogayu ayat atta annae ambaḻu we ugali te nu an-asiayat ḵayu, siya gaḻut ni an-os-ossaanan da somsomoḵyu.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

1 John 4:21

Pun annaya imbilin Apudyus ḵan ditaḵu: Sa angay-ayat ḵan Apudyus, ḵasapuḻan ose ayatona da asintataguna.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.

1 John 4:8

Yaḵon sa ippun ayatna'tta buḻunna, adinapun os igammu'ḵ Apudyus te aḵ Apudyus pasig naayat.

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

1 John 5:2

Sana angigammuwan taḵu we ayaton taḵu bos da buḻun taḵu we abeng Apudyus, nu ayaton taḵu'ḵ Apudyus ya tuttuwaon taḵu da bilinna.

3 John 1:11

Ay-ayatoḵe buḻbuḻun, adim unudon da angwa'tta lawweng yaḵon unudom da angwa'tta ambaḻu. Te da angwa'tta ambaḻu, dida da abeng Apudyus yaḵon da angwa'tta lawweng ippun igammuda ḵan Apudyus.