1 John 2:7 - Sa Ugud Apudyus

⁷ Ay-ayatoḵe buḻbuḻun, daḵampun aḵ baru annae biline ipaigammuḵ ḵan diḵayu te inggan ni namatiyanyu ḵan Jesu Kristu, dingngoḻyu dadaane bilinnae ḵanana, ḵasapuḻane an-asiayat ḵayu.

1 John 2:7 ပူးပေါင်းရင်းမြစ်များ

Matthew 5:43

Pinagatupan Jesus woḵ ḵanana, “Dingngoḻyu bose nibaga, ‘Ḵasapuḻane ayatom da asintatagum ḵad busuḻom da ḵabusuḻnu.’

John 13:34

Ittoḵ ḵan diḵayu baru we bilin. Ḵasapuḻane an-asiayat ḵayu we isun ni an-aayatḵu ḵan diḵayu.

Acts 17:19

Pune sadi, innaḻada'ḵ Paul woḵ inniyoyda si andaḵdaḵngan da ḵuḵunsisaḻ ni ili ye ngannonda Areopagus woḵ ḵananda, “Igammuwonni ud annae baru we tuttudu we iwaḻagawagnu,

Hebrews 6:9

Taḵon ay nu ḵaḵna nan-uugudni ay-ayatonni ye buḻbuḻun, antaḻgod ḵani ḵan diḵayu. Te igammuni ye ambaḻu ḵasasaadyu we annamnama si mataguwanyu.

1 John 2:24

Isisimoḵyu da tuttuwae tuttudu we dingngoḻyu inggan ni namatiyanyu. Nu ḵatti ḵoonyu, iinggaw ḵayu ḵan Apudyus we Ama ya sa Abengna.

1 John 3:11

Sa tuttudu we dingngoḻyu si inggan ni namatiyanyu, ḵasapuḻane an-asiayat taḵu.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.

1 John 3:21

Pun diḵayu we ay-ayatoḵe buḻbuḻun, nu adimpun da somsomoḵ taḵu pabasuḻon ditaḵu, antaḻgod taḵu we umadani si sinagung Apudyus.

1 John 3:23

Pun annaya imbilinna ḵan ditaḵu: Amati taḵu oḵyan ḵan Jesu Kristu we Abengna ya an-asiayat taḵu te siya imbilin Kristu ḵan ditaḵu.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

1 John 4:11

Ay-ayatoḵe buḻbuḻun, gapu ta amod nan-aayat Apudyus ḵan ditaḵu, ḵasapuḻan ose an-asiayat taḵu.

1 John 4:21

Pun annaya imbilin Apudyus ḵan ditaḵu: Sa angay-ayat ḵan Apudyus, ḵasapuḻan ose ayatona da asintataguna.

1 John 4:7

Ay-ayatoḵe buḻbuḻun, an-asiayat taḵu te sa ayat naḻpu ḵan Apudyus. Pun sa angayat atta bubuḻunna, siya abeng Apudyus ya igammuna'ḵ Apudyus.