1 John 2:4 - Sa Ugud Apudyus

⁴ Ngaimane ḵananae igammuna'ḵ Apudyus yaḵon adinapun tuttuwaon da bilinna, sanat tuliyan ya naippun ḵan siya ḵatuttuwaan.

1 John 2:4 ပူးပေါင်းရင်းမြစ်များ

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Titus 1:10

Te adu da tagu we adipun amati ye adidapun tumuttuwa'tta anna ḵaḻabbonganda ya angallelaw atta asintataguda'tta tuttudu we naippun paat patogda, amod ay grupun da namati ye Judyu we angipatut atte mipanggob si sogyat.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

1 John 1:10

Yaḵon nu ḵanan taḵu we aditaḵupun naḵabasuḻ, ambalinon taḵu we tuliyan aḵ Apudyus ḵad sa Ugudna naippun ḵan ditaḵu.

1 John 1:6

Pun nu ḵanan taḵu we maḵabuḻbuḻun taḵu ḵan siya yaḵon sissiyae matagu taḵu'tte giḵbot, antultulli taḵu te aditaḵupun ḵoon ḵatuttuwaane pinion Apudyus.

1 John 1:8

Nu ḵanan taḵu we naippun basuḻ taḵu, allelawon taḵu we mismu da long-ag taḵu ya sa ḵatuttuwaan naippun ḵan ditaḵu.

1 John 2:3

Nu tuttuwaon taḵu da bilin, naippun duwaduwanae igammu taḵu'ḵ Apudyus.

1 John 2:9

Nu awad osa'ḵ ḵananae iinggaw atte padda ya sasangngaana da sunudna ḵan Kristu, sissiyae iinggaw atte giḵbot.

1 John 3:6

Ḵad ngaimane iinggaw ḵan Kristu, adinapun pagapagatupane bumasuḻ te ngaimane pagapagatupanae bumasuḻ, adinapun paat inigammu'ḵ Kristu.

1 John 4:20

Nu awad osa'ḵ ḵananae ayatona'ḵ Apudyus yaḵon sasangngaana asintataguna, tuliyan sanate tagu. Te nu adinapun os ayaton da asintatagunae mamaḵ-ila, adipun maḵwae ayatona'ḵ Apudyus we adinapun innila.

1 John 4:7

Ay-ayatoḵe buḻbuḻun, an-asiayat taḵu te sa ayat naḻpu ḵan Apudyus. Pun sa angayat atta bubuḻunna, siya abeng Apudyus ya igammuna'ḵ Apudyus.