1 John 2:21 - Sa Ugud Apudyus

²¹ Sa gapun ni annae insuḻatḵu ḵan diḵayu, daḵampun atte adiyu nangigammuwan si ḵatuttuwaan yaḵon gapu ta iniiggammuyu, inigammuyu bose naippun paat tuli'ḵ maḻpu si tuttuwae mituttudu.

1 John 2:21 ပူးပေါင်းရင်းမြစ်များ

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

James 1:19

Ay-ayatoḵe susunud ḵan Kristu sosomḵonyu annae ibagaḵ, pion taḵu pasig taḵu andongoḻ yaḵon noan taḵu oḵyane an-ugud ya adi allasu sumang-an taḵu.

2 Peter 1:12

Pun siya gapunae ipapatiḵe angipaspasmoḵ ḵan diḵayu ta isisimoḵyu losan da sana taḵon ay inigammuyu dida ya ipapatiyu we angunud si ḵatuttuwaane nituttudu ḵan diḵayu.

1 John 3:19

Nu ḵaḵnat inon taḵu we angayat atta udum, sanat amo angigammuwan taḵu we ditaḵu da tuttuwae abeng Apudyus. Ḵad taḵon ay nu pabasuḻon ditaḵu'tta somsomoḵ taḵu, antaḻgod taḵu we umadani ḵan Apudyus. Te igammu taḵu we nangatngatu somsomoḵ Apudyus nu sa somsomoḵ taḵu ya igammuna ditaḵu we ustuustu.

Jude 1:5

Sinsadi pioḵ paiḵagasmoḵ annae iniiggammuyu we ustu mipanggob si nanusaan Apudyus atta tagu we naḵabasuḻ si awe ḵad ibagaḵ ḵan diḵayu mipanggob si nanaguwana'tta taguna si nangipuyutana ḵan didae nanenan ad Egypt yaḵon sibotna ḵad dinusana da adipun namati woḵ nanḵaḵatoyda.