1 John 2:20 - Sa Ugud Apudyus

²⁰ Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.

1 John 2:20 ပူးပေါင်းရင်းမြစ်များ

Matthew 13:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon ḵan dida, adinapun impaigammu.

Mark 1:24

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

Luke 4:34

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 3:14

Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy.

1 Corinthians 2:15

Ḵad ngaimane iinggawan ni Ispiritu Santu, lamogna maawatan da ḵinapatog da losan. Yaḵon da udume tagu adidapun maawatan.

Hebrews 1:9

Allaylayadḵa nu ilam da tagu we ḵoonda da naun-unan ya andadauyḵa nu ilam didae angwa'ḵ lawweng. Pun sa Apudyusnu, dinutuḵana siḵa'ḵ maittan aḵ dayaw ḵan amode layad nu da buḻunnu.”

Hebrews 8:11

Ḵad daḵampun aḵ ḵasapuḻane an-asituttududa baḵon nu an-asibagada, ‘Igammuyu'ḵ Apu,’ te igammun da losane tagu saḵon, misaḻad si ḵababaan inggana si ḵangatuwan.

1 John 2:27

Yaḵon sa Ispiritu Santu we inawatyu, siya iinggaw ḵan diḵayu, pun daḵampun aḵ ḵasapuḻane awad angituttudu ḵan diḵayu mipanggob si ḵatuttuwaan. Yaḵon sa Ispiritu Santu angituttudu ḵan diḵayu'tta losane ḵatuttuwaan ya ippun tuli'ḵ ituttuduna. Pun unudonyu da intuttuduna ḵan diḵayu ta iinggaw ḵayu ḵan Kristu.

1 John 4:13

Igammu taḵu we tuttuwae iinggaw taḵu ḵan Apudyus ya iinggaw os aḵ Apudyus ḵan ditaḵu te innatodna Ispirituna ḵan ditaḵu.

Jude 1:5

Sinsadi pioḵ paiḵagasmoḵ annae iniiggammuyu we ustu mipanggob si nanusaan Apudyus atta tagu we naḵabasuḻ si awe ḵad ibagaḵ ḵan diḵayu mipanggob si nanaguwana'tta taguna si nangipuyutana ḵan didae nanenan ad Egypt yaḵon sibotna ḵad dinusana da adipun namati woḵ nanḵaḵatoyda.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

Revelation 4:8

Ḵad da sanae opate ḵingwana, napayaḵanda bos aḵ sin-oonom ya losan ata long-agda taḵon ay ad daḻom si payaḵda. Inaḻgaw ḵan nilabi, adidapun paat iginoḵe anḵanta. Ḵanandae angiḵanḵanta, “Aḵ Apudyus abus aḵ gattoḵe nasantuwan! Siya maḵabooḻ atta losan. Inninggaw si awe, iinggaw sinsadi ya iinggaw aḵ inggana.”