1 John 2:19 - Sa Ugud Apudyus

¹⁹ Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

1 John 2:19 ပူးပေါင်းရင်းမြစ်များ

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Luke 8:13

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

John 15:2

Ḵaanona da pangae adipun amunga. Ḵad da amungae panga, daḻusana dida ta amo umadu ambubungada.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

Acts 15:24

Dingngoḻni ye annat da udume grupuni ye ummoy sinat nantuttudu ḵan diḵayu ḵad da intuttududa nasaliduduwan da somsomoḵyu. Yaḵon ippun innatodni ḵan dida'ḵ ḵaḻabbongane angwa'tte ḵatti.

Acts 20:30

Awad da udum ḵan diḵayu we mismu we asi umali ye ambalinonda ḵatuttuwaan aḵ tinutuli ta awisonda da namati ta mitun-udda ḵan dida.

Romans 9:6

Sa imbagaḵ mipanggob atta ganaḵ Israel we adipun namati ḵan Jesu Kristu, adiḵpun ḵanane ippun nambanagan da inkarin Apudyus atta taguna. Te daḵampun aḵ tuttuwae tagun Apudyus da losane ganaḵ Israel.

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

2 Timothy 2:19

Yaḵon taḵon ay nu awad da isudae angituttudu si tinutuli, adipun paat mabaliwan tuttuwae Ugud Apudyus te isun di ampagdot nisaadanae tinaḵad Apudyus we adipun paat magitot. Awad de nigili ye ḵanana, “Igammun Apudyus da tagu we ḵuwana.” Sa osa bose nigili si awe, ḵanana, “Nu ngai ḵananae namati ḵan Apu, ḵasapuḻane an-awidana da lawweng.”

2 Timothy 3:9

Yaḵon adipun manunnuwan an-awisanda te igammuwon da tagu we andongdong-ogdae isun da Jannes ḵan Jambres.

Hebrews 10:39

Yaḵon adi taḵu miyisu'tta nangiwaḻang atta pammatida ya nadusada ḵan Apudyus aḵ inggana. Yaḵon ditaḵu da namati ya matagu'ḵ inggana.

2 John 1:7

Te lummoswa da adu we umallelaw si annae lubung. Adidapun bigbigone aḵ Jesu Kristu nambalin aḵ tuttuwae tagu'tte ummaliyana si lubung. Da ḵaḵnate tagu, umallelawda ya ḵabusuḻ Kristu dida.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.

Jude 1:19

Dida da gapun ni magoggogwaanyu, siya ḵoonda da gagangaye pipion ni long-agda te naippun ḵan dida Ispiritu Santu.