1 John 2:16 - Sa Ugud Apudyus

¹⁶ Te da losane isun da sana: da banage pion da tagu we adipun amati, da amaamayonda, da itollongda ya da angipasindayaw atta ḵinatataguda, da sanae banag daḵampun ḵan Apudyus we Ama taḵu naḻpuwanda yaḵon naḻpuda'tte annae luta.

1 John 2:16 ပူးပေါင်းရင်းမြစ်များ

Matthew 4:8

Pun inḵasin Satan intallay aḵ Jesus si antaḵnataḵnange beleg woḵ impailana ḵan siya da losane ampangatan atte lubung ya da ḵinabaḵnangda,

Matthew 5:28

Yaḵon ibagaḵ ḵan diḵayu we ngaimane angitotollong si bubai ya pionae adaḻugon, nagagangput naḵabasuḻ si dagdagas atte somsomoḵna.

Luke 4:5

Pun inḵasin Satan intallay aḵ Jesus si antaḵnataḵnange beleg woḵ impailana ḵan siya si sinḵispayan da losane ampangatan atte lubung,

Romans 13:14

Yaḵon sa ḵoon taḵu oḵyan, unudon taḵu ugalin Apu taḵu we Jesu Kristu ya adi taḵu oḵyan iyunud da pion da long-ag taḵu.

1 Corinthians 10:6

Ḵad losan atta sanae naḵwa, an-adaḻan taḵu oḵyan ta adi taḵu maawis atta isun da danaḵḵoḻ taḵu'tte awe.

Galatians 5:17

Te da pipion da long-ag taḵu, misullagi si pipion ni Ispiritu Santu. Ḵad sa pipion ni Ispiritu Santu, misullagi bos atta pipion da long-ag taḵu. An-asisullagida, pun sana lamog taḵu adi angwaan atta pion taḵu ḵoon.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

Titus 2:12

Gapu'tte sanae ḵadaguna, ituttuduna ḵan ditaḵu we an-awidan taḵu da losane ummadayuwan taḵu ḵan siya ya da losane amaamayon ta tupodon taḵu da long-ag taḵu. Ḵad unudon taḵu naun-unan ya sa naapudyusane antatagu si annae lubung.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

James 3:15

Sa annae ḵinalaing, daḵampun aḵ naḻpu'd langit. Yaḵon nainlubungan, dinidimunyu ya daḵampun aḵ naispirituwan.

James 4:16

Yaḵon ansoḵaḻ ḵayu ya indaddayaw ḵayu. Losane isḵaḻ da tagu we isun da sana, lawweng.

1 Peter 1:14

Gapu ta diḵayu da abeng Apudyus we tumuttuwa, adiyu ogon unudon da inamaamayyu si awe si daanyu angigammuwan ḵan Apudyus.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

2 Peter 2:10

Sindumallu dusan da angunud atta pipionda ya adidapun bigbigon ḵaḻabbongan Apudyus. Da sadi ye angituttudu si daḵampun aḵ tuttuwa, antuḻoddae angwa'tta lawweng ya ipatutda pipionda. Adidapun os maḵimute an-ugud aḵ lawweng mipanggob atta madaydayawe anghel.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.