1 John 2:15 - Sa Ugud Apudyus

¹⁵ Adiyu ayaton da ugalin da tagu we adipun amati ye sumullagi si pinion Apudyus ya da banage awad si annae lubung te nu ayatonyu da sanae banag, naippun os ayatyu ḵan Apudyus we Ama taḵu.

1 John 2:15 ပူးပေါင်းရင်းမြစ်များ

Matthew 4:8

Pun inḵasin Satan intallay aḵ Jesus si antaḵnataḵnange beleg woḵ impailana ḵan siya da losane ampangatan atte lubung ya da ḵinabaḵnangda,

Matthew 6:24

Pinagatupan Jesus woḵ ḵanana, “Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae tuttuwae anserbiḵa ḵan Apudyus nu siya igaw ni somsomoḵnu gamgamam adu we binaḵnang.”

Luke 16:13

Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae anserbiḵa ḵan Apudyus nu siya gamgamam ḵinabaḵnang.”

John 15:19

Nu isuyu da tagu we adipun amati, ayatonda diḵayu. Yaḵon gapu ta piniliḵ diḵayu'ḵ amati, sadi gapunae sasangngaan diḵayu.

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

Galatians 1:10

Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

1 Timothy 6:10

Te sa ḵamommod da tagu si pilaḵ, siya maḻpuwan da losane kalasin di lawweng. Ḵad gapu si ḵamommod, nan-awidan da udume tagu pammatida ḵan Apudyus, ḵad ampaḵaḻamda si adu we salidudun da somsomoḵda.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

1 John 3:17

Pun nu awad osa'ḵ anna ḵuḵuwana, silupna, mabalinna ya innilana asintatagunae angkurang atta ḵasapuḻana yaḵon adinapun ḵinadaguwan, ngai inonae angibagae ay-ayatona'ḵ Apudyus?

1 John 4:5

Da sinan profeta we awad si lubung, nainlubungan da tuttududa. Ḵad pipion da tagu we adipun namati ye andongoḻ ḵan dida.

1 John 5:10

Pun ngaimane amati si Abeng Apudyus, nimumuḻa'tte somsomoḵna panoḵnoḵ Apudyus atte mipanggob ḵan siya. Yaḵon sa adipun amati si imbagan Apudyus, ambalinonae tuliyan aḵ Apudyus te adinapun patiyon impanoḵnoḵnae mipanggob atte Abengna.