1 John 2:14 - Sa Ugud Apudyus

¹⁴ Iḵasinḵu bos ibaga ḵan diḵayu gapun ni nanuḻataḵ ḵan diḵayu we aabengḵu te igammuyu'ḵ Ama taḵu. Nanuḻataḵ ḵan diḵayu we aamma te igammuyu'ḵ Apudyus we inninggaw inggan ni laplapu. Nanuḻataḵ os ḵan diḵayu we babaḻu te anḵaḵosdoḻ ḵayu ḵad iinggaw Ugud Apudyus atta somsomoḵyu ḵad siya nangngoganyu ḵan Satan.

1 John 2:14 ပူးပေါင်းရင်းမြစ်များ

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

John 5:38

Ḵad sa ugudna, adipun lumnoḵ atta somsomoḵyu te adiḵayupun amati ḵan saḵone imbuunna.

John 8:31

Pun ḵanan Jesus atta Judyu we namati ḵan siya, “Nu pagatupanyu patiyon da losane intuttuduḵ, diḵayu da tuttuwae disipuluḵ.

John 8:37

“Igammuḵe diḵayu da ganaḵ Abraham yaḵon pionyu gongaton saḵon te ippun inggawan ni tuttuduḵ atta pusuyu.

Ephesians 6:10

Annaya anungus ni ibagaḵ ḵan diḵayu. Pumigsa oḵyan da pammatiyu mipagapu si niyossaananyu ḵan Apu ya sa ummamdane ḵabooḻana.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

2 Timothy 2:1

Ḵan siḵae abengḵu, papigsaom pammatim mipagapu si ḵinabaḻun Jesu Kristu ḵan ditaḵu we niyossaan ḵan siya.

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

1 John 1:1

Sa annae suḻat, awad de iwaḻagawagni ḵan diḵayu mipanggob atte Ugud we maḻpuwan ni biyag aḵ inggana. Inninggaw ḵan Apudyus we Ama inggan ni laplapu. Nambalin aḵ tagu woḵ inninggaw sina'd luta ḵad mismu we innilani. Dingngoḻni ugudna ya mismu we inappadanni.

1 John 1:10

Yaḵon nu ḵanan taḵu we aditaḵupun naḵabasuḻ, ambalinon taḵu we tuliyan aḵ Apudyus ḵad sa Ugudna naippun ḵan ditaḵu.

1 John 2:13

Aamma, annaya bos inggiliḵ para ḵan diḵayu te igammuyu'ḵ Apudyus we inninggaw inggan ni laplapu. Ḵad diḵayu bose babaḻu, annaya inggiliḵ para ḵan diḵayu te illogyu'ḵ Satan.

2 John 1:2

An-asiayat taḵu gapu'tte ḵatuttuwaane iinggaw ḵan ditaḵu ya nimumuḻa'tta somsomoḵ taḵu'ḵ inggana.

3 John 1:3

Pun amod de layadḵu si ummali da susunud taḵu ḵan Kristu sina woḵ pinanoḵnoḵandae pasigḵa antaḻgod atte ḵatuttuwaan ḵad ipapuutnu we angunud si ḵatuttuwaan.

Revelation 2:3

Igammuḵ ḵinaanusyu we angiyattom atta ampaḵaḻamanyu gapu ḵan saḵon ya adiḵayupun maayong.

Revelation 2:7

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog atta losane kalasin di lawweng, ittoḵ ḵan dida ḵaḻabbongane angan atte bungan ni ḵayu we angitod si biyage awad si igaw Apudyus ad langit.’ ”