1 John 2:11 - Sa Ugud Apudyus

¹¹ Yaḵon ngaimane naippun ayatna'tte asintataguna, sa giḵbot inggawana ḵan anaddaḻanana. Ḵad naippun igammuna'ḵ ayonana te sa giḵbot nanguḻap ḵan siya.

1 John 2:11 ပူးပေါင်းရင်းမြစ်များ

John 12:35

Ḵanan Jesus we nangipani, “Sin-aḵitan inggawan ni silaw ḵan diḵayu. Pun ummanyu we anaddaḻan si annaan ni silaw ḵan diḵayu ta adi ḵayu magiḵbotan. Te sa anoḻwap, ippun igammuna'tte ḵapnona.

John 12:40

“Ḵinuḻap Apudyus dida ya tummungitong da pusuda ta adida maḵaimatun ḵan maawatan ya ansagungda ḵan saḵon ta pakawanoḵ dida.”

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

2 Peter 1:9

Yaḵon ngaimane adi angunud atta sanae ambaḻu we ugali, isun di naḵuḻap ḵan ampodad ilana ya naliwatanae pummoḻḵas atta gagangaye basuḻna.

1 John 1:6

Pun nu ḵanan taḵu we maḵabuḻbuḻun taḵu ḵan siya yaḵon sissiyae matagu taḵu'tte giḵbot, antultulli taḵu te aditaḵupun ḵoon ḵatuttuwaane pinion Apudyus.

1 John 2:10

Yaḵon ngaimane angayat atte asintataguna, iinggaw atte padda ḵad naippun ogon ḵoona'ḵ bumasuḻan da udum.

1 John 2:9

Nu awad osa'ḵ ḵananae iinggaw atte padda ya sasangngaana da sunudna ḵan Kristu, sissiyae iinggaw atte giḵbot.

1 John 3:15

Te ngaimane sasangngaana asintataguna isuna pumappatoy ḵad igammu taḵu we sa pumappatoy naippun ḵan siya biyag aḵ inggana.

1 John 4:20

Nu awad osa'ḵ ḵananae ayatona'ḵ Apudyus yaḵon sasangngaana asintataguna, tuliyan sanate tagu. Te nu adinapun os ayaton da asintatagunae mamaḵ-ila, adipun maḵwae ayatona'ḵ Apudyus we adinapun innila.

Revelation 3:17

Te ḵananyu we baḵnang ḵayu ya awad ḵan diḵayu da losane ḵasapuḻanyu. Yaḵon adiyupun igammu we sa ḵatuttuwaan, ḵaddagu ḵayu, ḵapus ḵayu, amboboddang ḵayu ya naḵuḻap ḵayu.