1 John 2:10 - Sa Ugud Apudyus

¹⁰ Yaḵon ngaimane angayat atte asintataguna, iinggaw atte padda ḵad naippun ogon ḵoona'ḵ bumasuḻan da udum.

1 John 2:10 ပူးပေါင်းရင်းမြစ်များ

Matthew 13:21

Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Matthew 18:7

Ḵaddagu da tagu si annae lubunge ippun adi nansabasabali ye sulisuge maḵabasuḻanda. Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

John 11:9

Ḵanan Jesus, “Daḵampun ḵamman aḵ nasawaḻan aḵ duwae oras sin-aḻgaw? Nu anaddaḻan tagu si aḻgaw, adipun misaballut te ampadda.

John 12:35

Ḵanan Jesus we nangipani, “Sin-aḵitan inggawan ni silaw ḵan diḵayu. Pun ummanyu we anaddaḻan si annaan ni silaw ḵan diḵayu ta adi ḵayu magiḵbotan. Te sa anoḻwap, ippun igammuna'tte ḵapnona.

John 8:31

Pun ḵanan Jesus atta Judyu we namati ḵan siya, “Nu pagatupanyu patiyon da losane intuttuduḵ, diḵayu da tuttuwae disipuluḵ.

Romans 14:13

Ḵad siya gapunae adi taḵu ogon ḵuwison da udume namati yaḵon ḵasapuḻane pasig taḵu sosomḵone adi taḵu angwa'ḵ ngaimane gapun ni maḵabasuḻan da susunud taḵu ḵan Kristu.

Philippians 1:10

ta lamogyu imatunan ya piliyan ḵabaḻuwan. Te nu ḵatti, ambaḻubaḻu ugaliyu ya ippun oḵyan ḵingwayu'ḵ mipabasuḻ ḵan diḵayu si ḵasine umaliyan Jesu Kristu.

2 Peter 1:10

Pun susunudḵu ḵan Kristu, ipapatiyu we angunud si ambaḻu we antatagu ta amanoḵnoḵe inayagan ḵan pinilin diḵayu ḵan Apudyus. Te nu ḵoonyu da sana, adiḵayupun paat maottag si pammatiyu.

1 John 2:11

Yaḵon ngaimane naippun ayatna'tte asintataguna, sa giḵbot inggawana ḵan anaddaḻanana. Ḵad naippun igammuna'ḵ ayonana te sa giḵbot nanguḻap ḵan siya.

1 John 3:14

Igammu taḵu we aditaḵupun ogon misina ḵan Apudyus we isun ni awe, pun sinsadi anna ḵan ditaḵu biyag aḵ inggana. Ḵad igammu taḵu ḵatuttuwaan te ay-ayaton taḵu da susunud taḵu ḵan Kristu. Sa tagu we adipun angayat atta asintataguna, isun di sissiyae natoy.