1 John 2:1 - Sa Ugud Apudyus

¹ Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

1 John 2:1 ပူးပေါင်းရင်းမြစ်များ

Luke 10:22

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan ḵinalaing. Iniiggammuna saḵone Abengna ya naippun udum aḵ nangigammu ḵan saḵon. Ḵaḵna bos aḵ Amaḵ. Naippun angigammu ḵan siya, abusaḵ ya da ngaimane tagu we pioḵe angipaigammuwan.”

John 10:15

Igammun Amaḵ saḵon ḵad igammuḵ os aḵ Amaḵ. Ḵad naḵasaganaaḵe angitod atte long-agḵu'ḵ matoy gapu'tta karneroḵ.

John 13:33

“Aabengḵu, sin-aḵitan inggawaḵ ḵan diḵayu. Ḵad singtonyu saḵon ya sa imbagaḵ atta Judyu, sinsadi annae ibagaḵ ḵan diḵayu we sa annae ayaḵ, adiḵayupun maḵaali.

John 14:16

Ḵad ḵodawoḵ ḵan Amaḵ ta angibuun aḵ Bumadang ḵan diḵayu. Siya Ispiritu Santu we inggaw ḵan diḵayu'ḵ inggana.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 21:5

Ḵanan Jesus ḵan dida, “Susunud! Awad innaḻayu'ḵ ugadiw?” Ḵanandae summongbat, “Naippun!”

John 5:14

Unipun, indasan Jesus sanae laḻaḵi si paway ni templo woḵ ḵanana, “Ilam ḵad, bummaḻuḵa. Agaynu we bumasuḻ ta adi maḵwa ḵan siḵa sindumallu nu sa damu.”

John 5:36

Yaḵon awad de anaḵdoḻ ḵan saḵone nangatngatu nu aḵ John. Te da ḵooḵe impaḵwan Amaḵ, sana da anaḵdoḻe saḵon imbuunna.

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

John 8:11

Ḵanan ni bubai, “Apu, naippun.” Ḵanan Jesus, “Taḵon ay saḵon, adiḵpun os siḵa pabasuḻon. Inḵan ya adiḵa ogon bumasuḻ.”

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 4:19

Gapu ḵan diḵayu ay-ayatoḵe aabeng, ampaḵaḻamaḵ ose isun ni inae anggumut inggana'ḵ awad ḵan diḵayu ugalin Kristu.

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

Ephesians 4:26

Nu sumanga ḵayu, adiyu iyunude siya bumasuḻanyu. Ḵad adiyu iyaḻ-aḻgawe sumanga,

1 Timothy 2:5

Te ossaan aḵ Apudyus ḵan ossaan os angiyugud ḵan Apudyus ya da tagu. Siya'ḵ Jesu Kristu we nambalin aḵ tagu.

1 Timothy 3:14

Namnamaoḵe masapaaḵ umali sinat yaḵon isuḻatḵu da annae bilin ḵan diḵayu.

Hebrews 9:24

Te adipun nillumnoḵ aḵ Kristu si Ḵasantuwane Kuwartu we ḵingwan di tagu ḵan abuse ladawan ni tuttuwae igaw Apudyus. Yaḵon siyae mismu nillumnoḵ ad langit ya awad sinsadi ye angitaḵdoḻ ḵan ditaḵu si sinagung Apudyus.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.

James 3:9

Siya usaron taḵu we andayaw ḵan Apu taḵu ya Ama taḵu we Apudyus ya siya bos usaron taḵu we an-ugud aḵ lawweng atta asintatagu taḵu we naḵwa'ḵ ḵais-isun Apudyus.

1 Peter 2:22

Adipun paat naḵabasuḻ ya ippun paat nantultulliyana.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.

1 John 3:5

Igammuyu we ummali'ḵ Kristu ta ḵaanona da basuḻ te siya ḵad naippun paat basuḻna.

1 John 3:7

Aabengḵu, ummanyu ta adi ḵayu paallelaw. Ngaimane amagapagatupe angwa'tta maun-unan, sanat tagu we naun-unane isun Kristu.

1 John 4:4

Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.

1 John 5:17

Tuttuwae losane naḵwa basuḻ yaḵon awad da basuḻe adipun ambanag si ḵatoy.

1 John 5:21

Ay-ayatoḵe aabengḵu, adayuwanyu da sinan-apudyus.

3 John 1:4

Naippun udum aḵ amo nabaḻbaḻu'ḵ allaylaydaḵ yaḵon sa nangngoḻaḵe da abengḵu unudonda ḵatuttuwaan.