1 John 1:7 - Sa Ugud Apudyus

⁷ Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

1 John 1:7 ပူးပေါင်းရင်းမြစ်များ

Matthew 6:12

Ḵad pakawanom da basuḻni te pinakawanni bos da naḵabasuḻ ḵan diḵani.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

John 12:35

Ḵanan Jesus we nangipani, “Sin-aḵitan inggawan ni silaw ḵan diḵayu. Pun ummanyu we anaddaḻan si annaan ni silaw ḵan diḵayu ta adi ḵayu magiḵbotan. Te sa anoḻwap, ippun igammuna'tte ḵapnona.

John 5:4

te sillaḻabi ḵad, an-osog anghel Apudyus ya inḵibyawna danum. Ḵad sa umunae umoy atte miḵibyawe danum, maḵaan saḵitna.

Romans 13:12

Te sa ḵatuttuwaan, naḻaḵpus labi ya madam-an mabigat. Pun ḵaanon taḵu da ḵoḵoḵḵon taḵu si giḵbot ta iḵabot taḵu aggom ni padda.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 5:8

Te diḵayu ḵad, isun di anggiḵbot somsomoḵyu si awe yaḵon sinsana nasilawanda gapu si niyossaananyu ḵan Apu. Pun matagu ḵayu oḵyane isun da tagu we iinggaw atte padda.

1 Timothy 6:16

Ḵad adipun paat matoy ya ippun tagu'ḵ maḵaadani ḵan siya te ummamdan silingna. Naippun paat tagu'ḵ nangila baḵon nu maḵaila ḵan siya. Madaydayaw oḵyan ya siya ampangat aḵ inggainggana. Amen.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

James 1:17

Aḵ Apudyus ad langit naḻpuwan da losane ambaḻu ḵan gattoḵe atod. Siya bos nangwa'tta losane sumilaw ad langit. Ḵad taḵon ay nu ambaliw ḵatollongan da sana, adipun paat ambaliw aḵ Apudyus.

1 Peter 1:19

yaḵon sa ampatoge daḻan Kristu si natoyana para ḵan ditaḵu. Sa nangidatunana si mismu we long-agna isun di ubbu we karnero we ippun paat ḵaissawna ya ippun dipiktunae nidatun ḵan Apudyus.

1 John 1:3

Da sanae innilani ya da dingngoḻni, siya sanae iwaḻagawagni ḵan diḵayu ta midoga ḵayu'tte maḵabuḻbuḻunanni ḵan Apudyus we Ama taḵu ya aḵ Jesu Kristu we Abengna.

1 John 1:5

Annaya ugude dingngoḻni ye naḻpu'tte Abeng Apudyus we iwaḻagawagni ḵan diḵayu: Aḵ Apudyus isun di silaw ḵad naippun paat giḵbot ḵan siya.

1 John 5:6

Ummali ḵad aḵ Jesus si annae luta, inninggaw da tuḻu we nangipanoḵnoḵe siya Abeng Apudyus. Sa umuna, sa nampabonyagana'tte danum. Sa ḵumagwa, sa daḻanae pummoy-as atte natoyana. Ḵad sa ḵumaḵlu, sa Ispiritu Santu we angibaga si ḵatuttuwaan. Da sanae tuḻu, nan-iisu we tinaḵdoḻanda mipanggob ḵan Jesu Kristu.

2 John 1:4

Amod de layadḵu si inigammuḵe da udume abengnu, siya unudonda ḵatuttuwaane imbilin Apudyus we Ama ḵan ditaḵu.

3 John 1:4

Naippun udum aḵ amo nabaḻbaḻu'ḵ allaylaydaḵ yaḵon sa nangngoḻaḵe da abengḵu unudonda ḵatuttuwaan.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 12:11

Yaḵon illog da susunud taḵu we namati gapu'tte daḻan ni Ubbu we Karnero we pummoy-as atte natoyana ya gapu si nangitaḵdoḻanda'tte ḵatuttuwaan te adidapun patpatgon da biyagda taḵon ay nu siya gapun ni natoyanda.

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.