1 John 1:10 - Sa Ugud Apudyus

¹⁰ Yaḵon nu ḵanan taḵu we aditaḵupun naḵabasuḻ, ambalinon taḵu we tuliyan aḵ Apudyus ḵad sa Ugudna naippun ḵan ditaḵu.

1 John 1:10 ပူးပေါင်းရင်းမြစ်များ

John 3:33

Ḵad da amati'tta ibagana, panoḵnoḵandae tuttuwa ibagan Apudyus.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

1 John 1:8

Nu ḵanan taḵu we naippun basuḻ taḵu, allelawon taḵu we mismu da long-ag taḵu ya sa ḵatuttuwaan naippun ḵan ditaḵu.

1 John 2:14

Iḵasinḵu bos ibaga ḵan diḵayu gapun ni nanuḻataḵ ḵan diḵayu we aabengḵu te igammuyu'ḵ Ama taḵu. Nanuḻataḵ ḵan diḵayu we aamma te igammuyu'ḵ Apudyus we inninggaw inggan ni laplapu. Nanuḻataḵ os ḵan diḵayu we babaḻu te anḵaḵosdoḻ ḵayu ḵad iinggaw Ugud Apudyus atta somsomoḵyu ḵad siya nangngoganyu ḵan Satan.

1 John 2:4

Ngaimane ḵananae igammuna'ḵ Apudyus yaḵon adinapun tuttuwaon da bilinna, sanat tuliyan ya naippun ḵan siya ḵatuttuwaan.

1 John 4:4

Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.

1 John 5:10

Pun ngaimane amati si Abeng Apudyus, nimumuḻa'tte somsomoḵna panoḵnoḵ Apudyus atte mipanggob ḵan siya. Yaḵon sa adipun amati si imbagan Apudyus, ambalinonae tuliyan aḵ Apudyus te adinapun patiyon impanoḵnoḵnae mipanggob atte Abengna.

2 John 1:2

An-asiayat taḵu gapu'tte ḵatuttuwaane iinggaw ḵan ditaḵu ya nimumuḻa'tta somsomoḵ taḵu'ḵ inggana.