1 Corinthians 9:5 - Sa Ugud Apudyus

⁵ Ḵad ippun ḵamman ḵaḻabbonganni ye angitaggaḵad atta asawani'tta ngaimane ambabbaatanni ye isun da udume apostol ya da susunud ḵan Kristu ya aḵ Peter?

1 Corinthians 9:5 ပူးပေါင်းရင်းမြစ်များ

Matthew 13:55

Daḵampun ḵamman si abeng ni karpentero? Daḵampun ḵamman ḵan Mary inana? Ḵad daḵampun ḵamman aḵ siya sunud da James, Joseph, Simon ya aḵ Judas?

Matthew 8:14

Ummoy ḵad aḵ Jesus atte boḻoy da Peter, innilanae uumbog ḵatuganganae bubai te an-atung.

Mark 1:30

Inninggaw bubai ye ḵatugangan Simon we an-atunge uumbog. Pun daguse imbagada ḵan Jesus.

Mark 6:3

Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.

Luke 6:15

da Matthew ḵan Thomas ya aḵ James we abeng Alphaeus. Ḵad nidoga bos aḵ Simon we nginadananda'ḵ Angitaḵdog si ilina,

Luke 8:20

Pun ḵanan ni osae nangibaga ḵan Jesus, “Andi'ḵ inam ya da susunudnu'tte lasine pionda maḵaugud ḵan siḵa.”

John 1:42

Pun inniyoyna'ḵ Simon woḵ ummoyda si igaw Jesus. Intollong ḵad Jesus ḵanana, “Siḵa'ḵ Simon we abeng John. Sinsadi ngadanaḵ siḵa'ḵ Cephas.” Sa ngadane Cephas atte Hinebrew, Peter atte Greek. Ḵad sa piona ḵanan batu.

John 2:12

Nagangput ḵad kasar, ḵesan da Jesus ya aḵ inana, da susunudna ya da disipuluna'd Capernaum woḵ inninggawda sidi'ḵ sin-aḵitane aḻgaw.

Acts 1:14

Sana nan-os-ossaanandae nangipapati ye alluwaḻu we nidoga da udume bubbubai ya aḵ Mary ye inan Jesus ya da sunudna.

Romans 16:1

Ipaigammuḵ ḵan diḵayu mipanggob ḵan Phoebe we sunud taḵu ḵan Kristu. Siya anserbi'tta namati ye magimugimung ad Cenchreae.

1 Corinthians 1:12

Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.”

1 Corinthians 7:15

Yaḵon nu pion ni daḵampun aḵ namati idangan asawanae namati, maḵwa. Nu awad ḵaḵnat aḵ maḵwa, mapuḵayan asawae namati, laḻaḵi man baḵon nu bubai. Te pinilin Apudyus ditaḵu ta lumin-awa maḵabuḻbuḻunan taḵu'tta udum.

1 Corinthians 7:39

Sa bubai, adipun maḵwa idangana asawana ya ḵasin angasawa nu sissiyae matattagu asawana. Yaḵon nu matoy asawana, nawayae angasawa si piona. Yaḵon ḵasapuḻane siya asaw-ona namati ḵan Apu.

1 Corinthians 7:7

Te sa ḵatuttuwaan, pioḵ oḵyan nu isuyu saḵone ippun asawana. Yaḵon igammuḵe daḵampun aḵ an-iisu taḵu te nansabasabali ḵabooḻane innatod Apudyus si sin-ossae tagu.

1 Corinthians 7:8

Diḵayu we daan angasawa ya diḵayu we nabaḻu, ibagaḵe ambaḻu nu adi ḵayu angasawae isuḵ.

Galatians 1:19

Yaḵon da innilaḵe apostol, abus aḵ Peter ya aḵ James we sunud Apu.

1 Timothy 3:2

Pun gapu ta ampatog sanae ḵewaaḻ, ḵasapuḻane ippun ḵadellawana, naannad ḵan lamogna tupodon long-agna. Ḵasapuḻane ossaan asawana ya adi maḵadagdagas. Ḵasapuḻane naangsan, ḵamamangili ya nalainge antuttudu.

1 Timothy 4:3

Da sanae tagu, iyadida da angasawa ya da udume maḵan. Yaḵon sa ḵatuttuwaan, ḵingwan Apudyus da sanae maḵan ta ḵanon taḵu. Ditaḵu we namati ḵan Kristu ya angigammu si ḵatuttuwaan, anggappiya taḵu ta maḵwae ḵanon taḵu da ngaimane maḵan.

1 Timothy 5:2

Da anḵamad-an ḵad, ibelangnu bos didae isun di iniinnam ya da babaḻasang, ibelangnu dida'ḵ isun di sinusunnudnu we ampoḻḵas somsomoḵnu.

Titus 1:6

Sa angipangpangu'tte gimung, ambaḻu oḵyan ugalinae ippun mipabasuḻ ḵan siya. Ḵasapuḻan ose ossaan asawana ya adi maḵadagdagas. Da abengna ḵad, ḵasapuḻane amatida ya naippun os paat lawweng aḵ ḵaugudanda si mipanggob atte adidapun maḵatupod atta ḵoondae lawweng ya adidapun tumuttuwa.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.