1 Corinthians 9:21 - Sa Ugud Apudyus

²¹ Isun ni antuttuduwaḵ atta Gentil we adidapun unudon lintog da Judyu, ambalinaḵ aḵ dogada ta adu da maawisḵu ḵan dida. Yaḵon daḵampun aḵ ḵanaḵe adiḵ tuttuwaon Lintog Apudyus te sissiyae unudoḵ da lintog Kristu.

1 Corinthians 9:21 ပူးပေါင်းရင်းမြစ်များ

Acts 15:28

Te sa pionni ye ibaga ḵan diḵayu, siya bos pion ni Ispiritu Santu te impaspasmoḵna ḵan diḵani ye umadini ampaḵaḻamon diḵayu gapu'tte ipatutni ye unudonyu da ugalini. Abus da annae bilin aḵ ḵasapuḻane tuttuwaonyu.

Acts 16:4

Nanggaḵayda ḵad atta ḵinailin di ili, impaigammuda nan-uunudan da apostol ya da angipangpangu'tta namati'd Jerusalem ta tuttuwaon da tagu.

Acts 21:25

Yaḵon da Gentil we namati ḵan dida ginangputni indagas suḻate simsimmoḵni ye nan-uunudanni ye apostol. Adida oḵyan ḵanon da midatun atta sinan-apudyus, ḵasapuḻane adida ḵanon daḻa ya da ayame adipun nidaḻaan ya adida maḵadagdagas.”

Romans 2:12

Te da losane naḵabasuḻ, misinada ḵan Apudyus ya madusada'ḵ inggana. Da Gentil ḵad adidapun inigammu Lintog Apudyus, pun adimpun Apudyus ibatay si lintog nu ḵuwisona dida mipagapu'tta basuḻda. Yaḵon da Judyu, igammuda sanae lintog, pun siya ambatayan Apudyus we anguwis ḵan dida.

Romans 2:14

Te da Gentil ippun igammuda'tte lintoge inggilin Moses yaḵon nu ḵoonda da ambaḻu we paḵwan ni lintog, ambalin aḵ lintog ḵan didae mismu.

Romans 7:22

Te sa somsomoḵḵu, amod de ayatḵu si Lintog Apudyus.

Romans 7:25

Anggappiyaaḵ ḵan Apudyus te siya abus aḵ anagu ḵan saḵon mipagapu ḵan Jesu Kristu we Apu taḵu. Pun sa annae ḵasasaadḵu, sa somsomoḵḵu pioḵe anserbi'tte Lintog Apudyus yaḵon sa long-agḵu piona anserbi'tte lintog ni basuḻ.

Romans 8:4

Ḵatti ḵingwan Apudyus ta maḵwae tuttuwaon taḵu we ustu da bilin atte lintog. Pagatupan taḵu we angunud atte pinion ni Ispiritu Santu we daḵampun atte pinion taḵu.

Galatians 3:2

Imusoḵ ud anna ḵan diḵayu: Inawatyu ḵamman Ispiritu Santu gapu si nanuttuwaanyu si lintog baḵon nu sa nangngoḻanyu ya namatiyanyu si Ambaḻu we Damag?

Galatians 6:2

An-asibadang ḵayu nu awad andagson aḵ problemayu te nu ḵatti ḵoonyu, tinuttuwayu lintog Kristu.

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.