1 Corinthians 9:19 - Sa Ugud Apudyus

¹⁹ Te taḵon ay nu nawayaaḵe daḵanaḵpun aḵ musassu'tta ngaimane tagu, ambalinoḵ long-agḵu'ḵ musassu'tta losane tagu ta lamogḵu awison da adu we tagu ta amatida ḵan Jesu Kristu.

1 Corinthians 9:19 ပူးပေါင်းရင်းမြစ်များ

Matthew 18:15

Ḵanan os Jesus, “Nu awad asintatagum aḵ maḵabasuḻ ḵan siḵa, inḵae ossaan ya ummam ipaḵaawat ḵan siya naḵabasuḻana ḵan siḵa. Nu dongngona ibagam, ambaḻu te iḵasinyu ambuḻbuḻun.

Romans 1:14

Ḵasapuḻane iwaḻagawagḵu Ambaḻu we Damag atta losane tagu, da naadaḻan baḵon nu da ippun adaḻda, da nalaing ya da nadong-og.

Romans 11:14

ta umaposan oḵyan da udume ḵailiyaḵe Judyu ta amatida ḵan Jesu Kristu ḵad mataguda.

Romans 15:2

Siya oḵyan somsomḵon taḵu mas-oman da sunud taḵu ḵan pumigsaan os da pammatida.

1 Corinthians 10:29

Sa pioḵ ḵanan, adiyu ḵanon gapu ta lawweng somsomoḵ ni nangibaga yaḵon daḵampun aḵ gapu ta lawweng ḵan diḵayu. Awad da ḵanandae angibaga, “Ngai gapunae maḵuwis wayawayaḵe angan gapu'tte somsomoḵ ni osae tagu?

1 Corinthians 10:33

Unudonyu saḵone pasigḵu ibagabagay biyagḵu'tta losane tagu. Te sa singsingtoḵ, daḵampun aḵ bumaḻuwaḵ yaḵon sa bumaḻuwan da adu ta mataguda.

1 Corinthians 7:16

Te diḵayu we namati, adiyupun ḵamman igammu nu diḵayu gapun ni anaguwan Apudyus atta asawayu we adipun namati?

1 Corinthians 9:1

Saḵon ḵad, daḵampun ḵamman aḵ nawayaaḵ? Daḵampun ḵamman aḵ osaaḵ atta apostol Jesu Kristu? Daḵampun ḵamman aḵ innilaḵe mismu'ḵ Jesus we Apu taḵu? Daḵampun ḵamman os aḵ diḵayu da bungan ni ḵewaaḻḵu ḵan Apu?

2 Corinthians 12:14

Naḵasaganaaḵe umali ḵan diḵayu ḵad sana piḵluḵe umali. Ḵad nu umaliyaḵ daḵampun aḵ siya singtoḵ badangyu te daḵampun atta ittonyu gamgamaḵ yaḵon diḵayu we mismu pioḵ. Te saḵon isun di amayu si namatiyanyu ḵad daḵampun atta abeng maḻpuwan ni ḵasapuḻan da ama ḵan ina. Yaḵon da ama ḵan ina maḻpuwan ni ḵasapuḻan da abeng.

2 Corinthians 4:15

Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.

2 Corinthians 4:5

Te daḵampun aḵ sa mipanggob atta long-agni iwwaḻagawagni yaḵon sa mipanggob ḵan Jesu Kristu we Apu. Ḵad anserbi ḵani ḵan diḵayu gapu ḵan Jesus.

Galatians 5:1

Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

1 Timothy 4:16

Ummam antatagum ya sa ituttudum. Pagatupam ḵoon da anna ta taguwom long-agnu ya da andongoḻ ḵan siḵa.

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

1 Peter 3:1

Diḵayu we bubbubai ye naasaw-an, ḵasapuḻane paituray ḵayu'tta asawayu ta awad ḵad ḵan dida da adipun tumuttuwa gapu si adidapun amatiyan atte Ugud Apudyus, maawisdae amati gapu si ambaḻu we ugaliyu taḵon ay nu adi ḵayu an-ugud