1 Corinthians 9:14 - Sa Ugud Apudyus

¹⁴ Isuna bos bilin Apu we ḵanana, da angiwaḻagawag atte Ambaḻu we Damag ippun udum aḵ maḻpuwan ni iḵataguda nu adi abus ḵewaaḻda.

1 Corinthians 9:14 ပူးပေါင်းရင်းမြစ်များ

Matthew 10:10

baḵaḻ, suḻḵud, sandal ḵan ansuḵatanyu'ḵ silup te labbongnae awaton da anḵewaaḻ ḵanonda.

Luke 10:7

Nu awad ammangili ḵan diḵayu, inggaw ḵayu si boḻoyda inggana'ḵ tenanyu sadi ye ili. Adi ḵayu an-attuattun. Ḵanonyu ḵan inumonyu da ilusnuda te labbongnae matangdanan da anḵewaaḻ.

Luke 10:8

“Nu dumatong ḵayu'tte ngaimane ili ya mangiliyonda diḵayu, ḵanonyu da ilusnuda.

Acts 18:3

ḵad gapu ta an-isu ḵewaaḻdae anḵoḵopya'ḵ tulda, inninggaw ḵan dida naḵaḵewaaḻ.

1 Corinthians 4:15

Te taḵon ay nu adipun mabelang da angayyuwan ḵan diḵayu ḵan Kristu, ossaan amayu. Te saḵon nambalin aḵ amayu gapu si niyossaananyu ḵan Jesu Kristu mipagapu si Ambaḻu we Damag.

1 Corinthians 9:11

Isuna bos diḵani ye nangimuḻa'tte naispirituwane Ugud Apudyus ḵan diḵayu, ḵasapuḻane maḵabillay ḵani'tta apityu ta awad iḵataguni.

1 Corinthians 9:12

Pun nu awad ḵaḻabbongan da udume ampabadang ḵan diḵayu, amo sindumallu ḵan diḵani? Yaḵon taḵon ay nu awad ḵaḻabbonganni ye ampabadang ḵan diḵayu, adinipun ipatut te inan-anusanni taḵon ay ngai ampaḵaḻamanni ta ippun matupodan ni Ambaḻu we Damag si mipanggob ḵan Kristu.

1 Corinthians 9:16

Te nu iwaḻagawagḵu Ambaḻu we Damag ippun ḵaḻabbongaḵe angiyisḵaḻ. Te naitod ḵan saḵon biyang, pun ḵasapuḻane iwaḻagawagḵu. Ḵad ḵaddaguwaḵ nu adiḵ iwaḻagawag Ambaḻu we Damag.

1 Corinthians 9:4

Ippun ḵamman ḵaḻabbonganni ye mapaḵanan ḵan mapainuman gapu'tte annae ḵewaaḻni?

2 Corinthians 2:12

Dummatongaḵ ḵad ad Troas we umoy angiwaḻagawag si Ambaḻu we Damag mipanggob ḵan Kristu, innatod Apu gundawayḵu we angiwaḻagawag sidi.

Galatians 6:6

Sa matuttuduwan atte Ugud Apudyus, ḵasapuḻan oḵyane ibillayana antuttudu ḵan siya'tta losane ambaḻu we awad ḵan siya.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.