1 Corinthians 8:8 - Sa Ugud Apudyus

⁸ Sa ḵatuttuwaan, daḵampun atte maḵan angiyadani ḵan ditaḵu ḵan Apudyus. Ḵad naippun lawwengna nu adi taḵu ḵanon ḵad ippun os maganab taḵu nu ḵanon taḵu.

1 Corinthians 8:8 ပူးပေါင်းရင်းမြစ်များ

Matthew 25:15

Pun sinin-ossana dida innattan, sigun si ḵabooḻanda. Sa intaḻgodna si ummuna, limallibu we palata. Sa ḵumagwa, intaḻgodna duwallibu we palata ḵad sa naudi, intaḻgodna sillibu we palata. Pun ummoyon.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

1 Corinthians 6:13

Ḵanan os da udum, “Da maḵan, naḵwada ta anserbi si buwang, ḵad sa buwang naḵwa ta anserbi si maḵan.” Yaḵon dadailon Apudyus didae duwa si umali ye aḻgaw. Yaḵon sa long-ag taḵu daḵampun aḵ naḵwa ta adaḻugon taḵu daḵampun aḵ asawa taḵu. Te sa long-ag taḵu naḵwa'ḵ anserbi ḵan Apu ḵad siya angayyuwan atta long-ag taḵu.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.