1 Corinthians 8:4 - Sa Ugud Apudyus

⁴ Sinsadi, nu mipanggob si maḵane midatun atta sinan-apudyus, iniiggammu taḵu we naippun ḵatuttuwaan da sinan-apudyus. Igammu taḵu we ossaan tuttuwae Apudyus naippun udum.

1 Corinthians 8:4 ပူးပေါင်းရင်းမြစ်များ

Mark 12:29

Ḵanan Jesus, “Annaya ḵapatogan atta bilinna, ‘Andongoḻ ḵayu we ganaḵ Israel, os-ossaan Apu taḵu we aḵ Apudyus, naippun udum.

Acts 14:15

“Susunud, ngaipayu ḵoon ḵaḵnat? Tagu ḵani bose isuyu. Ummali ḵani sina ta iwaḻagawagni ḵan diḵayu Ambaḻu we Damag ta an-awidanyu da annae ippun anudae sinan-apudyus ta amati ḵayu ḵan Apudyus we matattagu we nangwa si langit, luta, baybay ya da losane awad.

Acts 15:20

Yaḵon anuḻat taḵu ḵan dida ta adida ḵanon da maḵane midatun atta sinan-apudyus te paniyaw, adida maḵadagdagas ya ḵasapuḻane adida ḵanon daḻa ya da ayame adipun nidaḻaan.

Acts 19:26

Ḵad innila taḵu ḵan didingngoḻ taḵu we adu da inawis Paul we tagu sina'd Ephesus ya tigangay ta losan da ili'tte probinsiya'd Asia. Ḵanana sa ḵoon di tagu, daḵampun aḵ tuttuwae apudyus.

1 Corinthians 8:1

Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

1 Corinthians 8:10

Te nu ilan ni osae anḵuya somsomoḵnae siḵae anna igammunae anganḵa'd daḻom si templon da sinan-apudyus, daḵampun ḵamman aḵ siya masoḻgaganae maḵaḵan taḵon ay nu igammunae nidatun atta sinan-apudyus?

1 Corinthians 8:11

Ḵad gapu si igammum, nadadail sunudnu ḵan Kristu we anḵuya pammatinae inḵatoy Kristu.

Galatians 4:8

Sa awe ye daanyupun angigammuwan ḵan Apudyus, isuyu musassu we anserserbi'tta sinan-apudyus.

Ephesians 4:6

Os-ossaan os Apudyus we losan taḵu Ama. Siya angipangat ḵan ditaḵu losan, anḵewaaḻ mipagapu ḵan ditaḵu losan ta mituttuwa da piniona ya iinggaw ḵan ditaḵu losan.

1 Timothy 1:17

Pun siya Ari aḵ inggainggana, adipun matoy, adipun maila, abus aḵ Apudyus. Siya ipatpatog taḵu ḵan daydayawon taḵu'ḵ inggainggana. Amen.

1 Timothy 2:5

Te ossaan aḵ Apudyus ḵan ossaan os angiyugud ḵan Apudyus ya da tagu. Siya'ḵ Jesu Kristu we nambalin aḵ tagu.