1 Corinthians 8:12 - Sa Ugud Apudyus

¹² Nu naḵabasuḻ ḵayu'tta susunudyu ḵan Kristu, pinaḻwengyu da somsomoḵda te inunudda diḵayu we angwa si sinomsomoḵdae lawweng ya naḵabasuḻ ḵayu bos ḵan Kristu.

1 Corinthians 8:12 ပူးပေါင်းရင်းမြစ်များ

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 18:21

Aḵ Peter ḵad, ummoy ḵan Jesus woḵ ḵananae nangimus, “Apu, ngai inona ya bumasubasuḻ asintataguḵ, angampigaoḵ pakawanon? Angampitu ḵamman?”

Matthew 18:6

Pinagatupan Jesus woḵ ḵanana, “Yaḵon ngaimane anulisug ta maḵabasuḻ taḵon ay osa'tta annae ḵamḵamae tagu we amati ḵan saḵon, un-unnoyna nu mitaḵod daḵoḻe binatu we gilingan si bagangna ya maanud atte ḵaadaḻoman ni baybay.

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’

Matthew 25:45

“Summongbat woḵ ḵanana ḵan dida, ‘Ibagaḵ ḵan diḵayu ḵatuttuwaan, nu adiyu binadangan taḵon ay osae ḵababaan atta annae susunudḵu, adiyupun os saḵon binadangan.’ ”

Mark 9:42

Pinagatupan Jesus woḵ ḵanana, “Ngaimane anulisug ta maḵabasuḻ taḵon ay osa'tta annae ḵamḵamae tagu we amati ḵan saḵon, un-unnoyna nu mitaḵod daḵoḻe binatu we gilingan si bagangna ya miballu'tte baybay.

Luke 17:2

Un-unnoyna nu mitaḵod daḵoḻe binatu we gilingan si bagangna ya miballu'tte baybay nu sa sulisugona ta maḵabasuḻ taḵon ay osa'tta annae ḵamḵamae tagu.

Romans 14:20

Nabaḻbaḻu nu adi taḵu dadailon ḵewaaḻ Apudyus gapu'tte maḵan. Losane maḵan ampoḻḵas yaḵon lawweng nu siya maḵabasuḻan da sunud taḵu gapu'tte anganan taḵu.

1 Corinthians 12:12

Sa long-ag taḵu we tagu adu ḵamangayna yaḵon ossaane long-ag. Isuna bos aḵ Kristu ya ditaḵu we namati ḵan siya.