1 Corinthians 8:1 - Sa Ugud Apudyus

¹ Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

1 Corinthians 8:1 ပူးပေါင်းရင်းမြစ်များ

Acts 15:10

Sinsadi, ngaipayu padason aḵ Apudyus atte angibag-anyu we ḵasapuḻane tuttuwaonda da losane ugali taḵu? Te taḵon ay da danaḵḵoḻ taḵu ya ditaḵu sinsana, aditaḵupun lamog tuttuwaon dida.

Acts 15:29

Adiyu ḵanon midatun atta sinan-apudyus, ḵasapuḻane adiyu ḵanon daḻa ya da ayame adipun nidaḻaan ḵan adi ḵayu maḵadagdagas. Ḵad nu tuttuwaonyu da sana, ambaḻu ambanaganyu. Sana da abuse ibagani ḵan diḵayu.”

Acts 21:25

Yaḵon da Gentil we namati ḵan dida ginangputni indagas suḻate simsimmoḵni ye nan-uunudanni ye apostol. Adida oḵyan ḵanon da midatun atta sinan-apudyus, ḵasapuḻane adida ḵanon daḻa ya da ayame adipun nidaḻaan ya adida maḵadagdagas.”

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Romans 12:16

Ḵasapuḻane antitimpuyug ḵayu ya adi ḵayu ampasindayaw yaḵon maḵabuḻbuḻun ḵayu'tta ḵapus. Ḵad adiyu isḵaḻe igammuyu da losan.

Romans 14:10

Nu aḵ Jesu Kristu Apu taḵu losan, naippun ḵaḻabbongan taḵu we anguwis ya anellaw atta susunud taḵu ḵan Kristu. Adi taḵu ḵoon ḵatti te nu anungus ni aḻgaw, losan taḵu sumangu maḵuwis ḵan Apudyus.

Romans 14:14

Gapu si nidog-aḵ ḵan Apu Jesus, aaddi ye ippun maḵan aḵ ḵaissaw si antotollong Apudyus. Yaḵon nu ibelang ni osan tagu'ḵ ḵaissaw, ḵaissaw ḵan siya.

Romans 14:19

Pun ḵasapuḻane igga taḵu ḵabooḻan taḵu ta allin-awa maḵabuḻbuḻunan taḵu'tta udum ya ngaimane amapigsa'tta pammati taḵu.

Romans 14:22

Ngaimane patiyon ni sin-ossaossa mipanggob si anna, ambaḻu nu abusda ḵan Apudyus aḵ angigammu. Pian tagu we adin ni somsomoḵna ḵuwison long-agnae mismu gapu'tte simsimmoḵnae ustu ḵoona.

Romans 14:3

Diḵayu we angan atta baḻangnae maḵan, adiyu oḵyan dellawon da angidiyan atta udume maḵan. Ḵad diḵayu bose angidiyan atta udume maḵan, adiyu bos dellawon da angan atta baḻangnae maḵan te inawat Apudyus dida'ḵ taguna.

Romans 15:14

Susunudḵu ḵan Kristu, mat-opaḵ si mipanggob ḵan diḵayu te ambabaḻu ḵayu, adu da igammuyu ya lamogyu an-asituttudu.

1 Corinthians 1:5

Te sa niyossaananyu ḵan Jesu Kristu, naatod ḵan diḵayu da ampapatoge bindisyune midoga ḵabooḻanyu we an-ugud ya da losane igammuyu.

1 Corinthians 10:15

Igammuḵe naangsan ḵayu. Pun somsomḵonyu da annae ibagaḵ ḵan diḵayu.

1 Corinthians 10:28

Yaḵon nu awad angibaga ḵan diḵayu ḵanane, “Nidatun atta sinan-apudyus illusnuda,” adiyu ḵanon gapu si nangibaga ḵan diḵayu ḵan gapu si somsomoḵna.

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 4:10

Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida.

1 Corinthians 4:18

Awad ḵanu da udume ampasindayaw ḵan diḵayu te ḵanandapun nu adiyaḵpun umali ḵan diḵayu.

1 Corinthians 4:6

Susunud ḵan Kristu, inusarḵu diḵani ḵan Apollos aḵ ampaniyan para'tte bumaḻuwanyu ta adaḻonyu ḵan diḵani pion ni nigili ugudone ḵanana, “Adiyu dog-an da nigili.” Ta naippun oḵyan osa ḵan diḵayu'ḵ itaḻayagna osae tagu ya ipababana osa.

1 Corinthians 5:2

Ḵad sissiyae ansoḵaḻ ḵayu! Siya oḵyan ḵoonyu idomdomyu ḵababbaine naḵwa ta paḻyawonyu ḵaḵnate tagu'tte gimungyu.

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

1 Corinthians 8:2

Sa tagu we ḵananae igammuna losan, sanat angipailae ippun igammuna'tta banage igammuwona oḵyan.

1 Corinthians 8:4

Sinsadi, nu mipanggob si maḵane midatun atta sinan-apudyus, iniiggammu taḵu we naippun ḵatuttuwaan da sinan-apudyus. Igammu taḵu we ossaan tuttuwae Apudyus naippun udum.

1 Corinthians 8:7

Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada.

Ephesians 4:16

Ḵad gapu ta siya mipani ye uḻu taḵu, siya bos asi ḵigade angiyuḻnus ḵan ditaḵu we namati ye isun di ḵamangay ni sanae long-agna ta mibagaydae ustu. Pun nu ḵoon ni sin-ossaossae ḵamangay ni sanae long-ag naatode ḵewaaḻna, pumigsapigsa ya dumaḵodaḵoḻ sanae long-ag mipagapu si ayat.

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.

Revelation 2:14

“ ‘Yaḵon awad de adiḵpun pion ḵan diḵayu, awad da udum ḵan diḵayu we angunud si intuttudun Balaam atte awe. Aḵ Balaam ḵad intuttuduna ḵan Balak inonae anulisug atta ganaḵ Israel aḵ bumasuḻ ta awisonda dida'ḵ maḵaḵan atta nidatun atta sinan-apudyus ya angadaḻug atta daḵampun aḵ asawada.

Revelation 2:20

“ ‘Yaḵon awad de adiḵpun pion ḵan diḵayu, iyyunudyu we midoga sanae bubai ye aḵ Jezebel ḵan diḵayu. Ḵananae siya profeta we angituttudu'tta imbagan Apudyus yaḵon gapu si tuttuduna, awisona da anserbi ḵan saḵon ta adaḻugonda da daḵampun aḵ asawada ḵan anganda'tta maḵane nidatun atta sinan-apudyus.